News in brief
Sherpa National Front representing Sherpas living scattered around the Himalayan areas have drafted a constitution for a separate Sherpa Autonomy. The draft prepared in a very short time after discussion among Sherpa intellectuals and members of the Front was handed over to NCP Maoist Leader Prachanda at a function held on Sunday before last at Luthan Guest House, Khasti, Yen (Bauddha, Kathmandu),
Full story in Nepal Bhasa
शेर्पातेगु अलग्ग स्वायत्त् प्रदेश दयेकेगु नमुना संविधान प्रचण्डयात
शेर्पा राष्ट्रीय मुक्ति मोर्चाया पाखेँ शेर्पातेगु लागी अलग्ग हे स्वायत्त् प्रदेश पलिस्था यायेगु नमुना संविधान नेकपा माओवादी अध्यक्ष प्रचण्डयात ब्यूगु दु। बौद्ध महंकालया लुथान गेस्ट हाउसे वंगु पेन्हुयंक शेर्पा राष्ट्रिय मुक्ति मोर्चा नेपालया ग्वसाले, जूगु छगु ज्याझ्वले, मोर्चाया अध्यक्ष सोनाम शेर्पा भाजुँ संविधान सभाय् दकसिबे अप्वः सीट त्याकूगु नेपाल कम्युनिष्ट पार्टि माओबादीया अध्यक्ष प्रचण्डयात शेर्पा स्वायत्त प्रदेश पलिस्था यायेगु नमुना संविधान लःल्हात।
नेपाः व नेपामितेतः हलिमे म्हसीकीगु शेर्पा जातीया भासिक, जाती व ऐतिहाँसिक पृष्ठभुमिया आधारे, अग्राधिकार व आत्मनिर्णयया अधिकार दइगु शेर्पा स्वायत्त प्रदेश पलिस्था यायतः संविधान सभाया शेर्पा सभासदतेगु प्रस्ताव पारित यायेतः शेर्पा राष्ट्रिय मुक्ति मोर्चा व शेर्पा बुद्धिजीवीतेसँ वंगु निन्हु स्वन्हु बृहतकथँ यागु सल्लाँ चिहाकगु इलेहे छगु संविधान देकूगु दु। थःगु अलग्ग मौलिक पहिचान दूगु शेर्पा जातित नेपाःया अधिकांस हिमाली भेगे छरे जुया च्वंगु व प्रस्तावित लिम्बुवान, खम्बुवान, तामसालिङ्ग व तमुवान स्वायत्त प्रदेशे थःपिँ च्वने मफैगुलिँ अलग्गहे शेर्पा स्वायत्त दयेमाःगु खँ बक्तातेसँ धाल। अथेहे, ऐतिहासिक जनयुद्द सफल यायेतः ६५ (खुइन्हेःम्ह) वीर शेर्पातेसँ युद्धे शहदत प्राप्तयागु खँनं स्मरण यात। उकुन्हु तिनि मोर्चाँ दयेकूगु नमुना संविधानयात छकः गहनरुपँ अध्ययन याना मेमेगु राजनैतिक दलत नापँ सल्ला याना शेर्पातेगु अलग्ग स्वायत्त पलिस्था यायेगु प्रस्तावित हिमाली स्वायत्त प्रदेश पलिस्था यायतः माःगु निषकर्ष पिकायेगु प्रतिबद्धता अध्यक्ष प्रचण्डँ प्रमुख अतिथिया आसनँ प्रष्टयाना दिल।
छिगु कमेन्ट थन क्वसँ च्वयादिसँ।