नेपालमण्डल धंके जाना
– बिनोद साय्मि (आल)
नेपालमण्डल धंके जाना
थाय् बाय् थःगु भिंके जाना
देगः दना स्वां ह्वयेका
म्वाना जुये छ्यं धस्वाका ।।१।।
आसय् सदां तःतः क्यंका
तया तल छंत आसाँ द्याका
अधिकार मवः ल्हाः जक फया
दनावा थः मंकाः जाना ।।२।।
उम्हँ भिंकीला थुम्हँ भिंकीला
बिना वन ई दुघाः तच्वय्का
ल्यंके म्हसिका झी थः जाना
थःम्हँ चाय्का पलाः ल्ह्वना ।।३।।
ने.सं. ११२९ बछला ४, बुधवाः
(April 29th, 2009 Wednesday)
छिगु बिचाः प्वंकेतः लाइन् क्वसँया “Comments” तिया दिसँ।