स्याःचाः
– अनिश शाक्य
तुतिखं न्हुये मयःगु ध्याचः जुल
जिन्दगी सुयातं मयःगु प्याचः जुल
दुःख खनाः गन जक बिस्यु मवनाः
न्ह्याथांय् ल्यू ल्यू वइगु किचः जुल
संघर्ष यायेत आँत लुया वःगु खः
जिं हे मखंकाः मस्यू गन खर्च जुल
बिरामी जुल, खाइगु नयेगु बाध्यताय्
जा नयेत ल्वसा, व नं मिचः जुल
छगू निगू धाधां तःगू दुःख मुने धुन
दु नुगः छगः व नं दुःखया पुचः जुल
ख्वय् मखु धयाःगु खः ख्वबि ज्वल छु याय् फु
ल्हाःतुति दया नं आज्जु छ्वल छु याय् फू
मृत्यु लिक्क वल नं न्हूगु जीवन बिल
माःगु हे मखु जितः स्वां ह्वल छु याय् फु
कालबिल जुलकिं म्हो जुइ हँ दुःख तक
स्याःचाः क्यनाः खः नुगः ख्वल छु याय् फू
अनय् तनय्या भाव लुइगु नुगः जिगु
थःगु खया नं थःत न्वल छुयाय् फू
छिगु बिचाः थन क्वसँया “Comment” टे च्वयादिसँ – झी द नेवाः