𑐡𑐾𑐳𑐫𑑂 𑐘𑑄𑐎 𑐠𑐠𑐾 𑐴𑐣 𑐣𑐾𑐥𑐵𑐮 𑐳𑑄𑐰𑐟𑐫𑐵 𑐴𑑂𑐣𑐹𑐡𑑃 𑑑𑑑𑑓𑑘

𑐫𑐾𑑃 – 𑐣𑐾.𑐳𑑄. 𑑑𑑑𑑓𑑘 𑐎𑐕𑐮𑐵 𑑑

𑐠𑑁𑑃 𑐣𑐾𑐥𑐵𑐮 𑐳𑑄𑐰𑐟 𑑑𑑑𑑓𑑘 𑐡𑑃 𑐎𑑂𑐫𑑄𑐐𑐸 𑐴𑑂𑐣𑐹𑐡𑑃𑑋 𑐴𑑂𑐣𑐹𑐡𑑃𑐫𑐵 𑐮𑐳𑐟𑐵𑐫𑑂 𑐠𑑁𑑄 𑐡𑐾𑐳𑐫𑑂 𑐘𑑄𑐎𑐨𑐣𑑃 𑐠𑐷𑐠𑐷 𑐖𑑂𑐫𑐵𑐗𑑂𑐰𑑅 𑐫𑐵𑐣𑐵 𑐴𑐣𑑋 𑐣𑐾𑐥𑐵𑐮𑐨𑐵𑐳 𑐀𑐣𑐮𑐵𑐂𑐣𑑂 𑐥𑑁 𑐊𑐣𑑂.𑐌.𑐊𑐣𑑂 𑐎𑐠𑑃, 𑐫𑐾𑑃𑐫𑑂 𑐣𑐾𑐥𑐵𑐮 𑐳𑑄𑐰𑐟 𑐬𑐵𑐲𑑂𑐚𑑂𑐬𑐷𑐫 𑐴𑑂𑐣𑐹𑐡𑑃 𑐳𑐩𑐵𑐬𑑀𑐴 𑐳𑐩𑐶𑐟𑐶 𑑑𑑑𑑓𑑘𑐫𑐵 𑐐𑑂𑐰𑐳𑐵𑐮𑐫𑑂 𑐧𑐳𑐣𑑂𑐟𑐥𑐸𑐬𑑄 𑐨𑐶𑑄𑐟𑐸𑐣𑐵 𑐳𑐵𑑄𑐳𑑂𑐎𑐺𑐟𑐶𑐎 𑐬𑐵𑐮𑐶 𑐥𑐶𑐠𑐣𑐵𑑅 𑐫𑐾𑑃𑐫𑐵 𑐠𑑅𑐣𑐾 𑐰 𑐎𑑂𑐰𑑅𑐣𑐾 𑐔𑐵𑑅𑐴𑐶𑐮𑐾𑐢𑐸𑑄𑐎𑐵𑑅 𑐴𑐵𑐎𑐣𑑄 𑐧𑐳𑐣𑑂𑐟𑐥𑐸𑐬𑐫𑑂 𑐩𑐸𑐣𑐵 𑐨𑐶𑑄𑐟𑐸𑐣𑐵 𑐳𑐨𑐵 𑐖𑐹𑐐𑐸 𑐡𑐸𑑋 𑐄𑐐𑐸 𑐳𑐨𑐵𑐫𑑂 𑐩𑐹𑐥𑐵𑐴𑐵𑑃 𑐎𑐠𑑄 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷 𑐱𑐾𑐬𑐧𑐴𑐵𑐡𑐸𑐬 𑐡𑐾𑐄𑐰𑐵 𑐗𑐵𑐫𑐵 𑐡𑐷𑐐𑐸 𑐏𑑅𑐳𑐵, 𑐰𑐫𑐎𑐮𑑃 𑐴𑑂𑐣𑐹𑐡𑑃𑐫𑐵 𑐮𑐳𑐟𑐵𑐫𑑂 𑐳𑐎𑐮 𑐣𑐾𑐥𑐵𑑅𑐩𑐶𑐥𑐶𑐣𑑂𑐟 𑐨𑐶𑑄𑐟𑐸𑐣𑐵 𑐡𑐾𑐕𑐵𑐣𑐵 𑐡𑐷𑐐𑐸 𑐡𑐸𑑋

𑐠𑐶𑐩𑐷 𑐖𑐹𑐐𑐸 𑐴𑑂𑐣𑐹𑐡𑑃 𑐴𑐣𑐾𑐐𑐸 𑐳𑐨𑐵𑐣𑑃 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷 𑐡𑐾𑐄𑐰𑐵𑐫𑐵 𑐩𑐹𑐥𑐵𑐴𑐵𑑃𑐳𑐸𑐂 𑐖𑐸𑐮 𑑋 𑐱𑑄𑐏𑐢𑐬 𑐔𑐸𑐎𑐫𑑂 𑐖𑐹𑐐𑐸 𑐅𑐐𑐸 𑐳𑐨𑐵𑐫𑑂 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷𑑃 𑐱𑑄𑐏𑐢𑐬𑐫𑐵 𑐗𑑂𑐰𑐵𑐟𑐵𑐫𑑂 𑐳𑑂𑐰𑐵𑑃𑐩𑐵𑑅 𑐎𑑂𑐰𑐏𑐵𑐫𑐾𑐎𑐵 𑐨𑐶𑐣𑑂𑐟𑐸𑐣𑐵 𑐡𑐾𑐕𑐵𑐣𑐵 𑐡𑐶𑐮 𑑋 𑐣𑐵𑐥𑑃 𑐫𑐮𑐫𑑂 𑐣𑑃, 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷𑐫𑐵 𑐩𑐹𑐥𑐵𑐴𑐵𑑃𑐳𑐸𑐂 𑐴𑑂𑐣𑐹𑐡𑑃𑐫𑐵 𑐨𑐶𑐣𑑂𑐟𑐸𑐣𑐾𑐐𑐸 𑐳𑐨𑐵 𑐖𑐸𑐮 𑑋

𑐣𑐵𑐥𑑃 𑐎𑐶𑐥𑐹, 𑐟𑑀𑐏𑐵, 𑐨𑑀𑐟, 𑐦𑐩𑑂𑐥𑐶, 𑐫𑐾𑑃 𑐥𑐱𑑂𑐔𑐶𑐩 𑐨𑐾𑐐, 𑐠𑐾𑐔𑑀, 𑐳𑐸𑐣𑐵𑐐𑐸, 𑐧𑐬𑐾𑐐𑐵𑑄, 𑐏𑑀𑐣𑐵, 𑐧𑐸𑑄𑐐 𑐂𑐟𑑂𑐫𑐵𑐡𑐷 𑐠𑐵𑐳𑐫𑑂 𑐴𑑂𑐣𑐹𑐡𑑃𑐫𑐵 𑐮𑐳𑐟𑐵𑐫𑑂 𑐠𑐷𑐠𑐷 𑐖𑑂𑐫𑐵𑐗𑑂𑐰𑑅 𑐖𑐹𑐐𑐸 𑐡𑐸𑐳𑐵, 𑐳𑑂𑐰𑐣𑐶𑐐𑐮𑑃 𑐥𑐶𑐣𑐾 𑐢𑐬𑐵𑐣, 𑐢𑐣𑐎𑐸𑐚𑐵, 𑐧𑐷𑐬𑐐𑐘𑑂𑐖, 𑐴𑐾𑐚𑑁𑑄𑐜𑐵, 𑐔𑐶𑐟𑐰𑐣, 𑐥𑑀𑐏𑐬𑐵 𑐂𑐟𑑂𑐫𑐵𑐡𑐷 𑐠𑐷𑐠𑐷 𑐖𑐶𑐮𑑂𑐮𑐵𑐫𑑂 𑐣𑐾𑐥𑐵𑐮 𑐳𑑄𑐰𑐟 𑑑𑑑𑑓𑑘𑐫𑐵 𑐴𑑂𑐣𑐹𑐡𑑃 𑐟𑑅𑐖𑐶𑐎 𑐴𑑄𑐐𑐸 𑐧𑐸𑐏𑑃 𑐊𑐣𑑂.𑐌.𑐊𑐣𑑃 𑐂𑐣𑐵𑐟𑑅𑐐𑐸 𑐡𑐸𑑋