𑐣𑐾𑐥𑐵𑐮 𑐣𑐐𑐸𑐩𑐵 𑐕𑐾𑐮𑐾𑐐𑐸 𑐕𑐟𑐵𑐖𑐶 𑐴𑑂𑐣𑐹𑐐𑐸 𑐮𑐹𑐏𑑃 (A New Concept of Using Nepal Calendar)

𑐫𑐾𑑃 – 𑐣𑐾.𑐳𑑄. 𑑑𑑑𑑓𑑘 𑐥𑑀𑐴𑐾𑐮𑐵 𑑑𑑑 𑐳𑐸𑐎𑑂𑐬𑐰𑐵𑑅 (Dec. 29, 2017)
𑐣𑐾𑐥𑐵𑐮 𑐡𑐾𑐳𑐫𑐵 𑐩𑑁𑐮𑐶𑐎 𑐣𑐐𑐸𑐩𑐵𑐎𑐠𑑃 𑐣𑐾𑐥𑐵𑐮𑐫𑑂 𑐴𑐣𑐵𑐰𑐫𑐵 𑐔𑑂𑐰𑑄𑐐𑐸 𑐣𑐾𑐥𑐵𑐮 𑐣𑐐𑐸𑐩𑐵 𑐫𑐵𑐟 𑐕𑐾𑐮𑐾𑐐𑐸 𑐮𑐎𑑂𑐲𑐎𑐫𑐵 𑐕𑐐𑐸 𑐴𑑂𑐣𑐹𑐐𑐸 𑐮𑐹𑐏𑑃 𑐎𑐠𑑃 “𑐣𑐾𑐥𑐵𑐮 𑐣𑐐𑐸𑐩𑐵 – 𑐖𑐶𑐐𑐸 𑐣𑐐𑐸𑐩𑐵” 𑐣𑐵𑐩𑑃 𑐣𑐾𑐥𑐵𑐮 𑐣𑐐𑐸𑐩𑐵 𑐥𑐶𑐴𑐵𑑃 𑐰𑐫𑐾𑐟𑐾𑑄𑐐𑐸 𑐡𑐸 𑑋 𑐠𑑂𑐰 𑐴𑐾 𑐥𑑀𑐴𑐾𑐮𑐵𑐫𑐵 𑑑𑑒 (𑐡𑑂𑐰𑐵𑐡𑐳𑐶) 𑐳𑐣𑐶𑐰𑐵𑑅 𑐎𑐸𑐴𑑂𑐣𑐸 𑐖𑐸𑐂𑐐𑐸 𑐴𑐮𑐶𑑄 𑐣𑐾𑐰𑐵𑑅 𑐐𑐸𑐠𑐶𑐫𑐵 𑐖𑑂𑐫𑐵𑐗𑑂𑐰𑐮𑐫𑑂 𑐠𑑂𑐰 𑐣𑐐𑐸𑐩𑐵 𑐥𑐶𑐠𑐣𑐷𑐐𑐸 𑐡𑐸 𑑋 𑐗𑐷 𑐣𑐾𑐥𑐵𑑅𑐩𑐶𑐫𑐵 𑐡𑐠𑐹𑐂 𑐰𑐶𑐳𑑂𑐎𑑃𑐫𑐵𑐣𑐵 𑐫𑐸𑐰𑐵𑐟𑐫𑑂 𑐡𑐠𑐸𑐂 𑐣𑐾𑐥𑐵𑐮 𑐣𑐐𑐸𑐩𑐵 𑐕𑐾𑐮𑐾𑐐𑐸 𑐧𑐵𑐣𑐶 𑐡𑐫𑐾𑐎𑐾𑐐𑐸 𑐠𑑂𑐰 𑐮𑐹𑐏𑑃𑐫𑐵 𑐮𑐎𑑂𑐲 𑐏𑑅𑐳𑐵, 𑐣𑐾𑐥𑐵𑐮𑐨𑐵𑐳 𑐩𑐵𑑃𑐨𑐵𑐳𑐎𑐠𑑃 𑐴𑑂𑐮𑐵𑐂𑐥𑐶𑑃 𑐩𑐳𑑂𑐟𑐾𑐟 𑐣𑐾𑐥𑐵𑐮𑐨𑐵𑐳 𑐳𑑂𑐫𑐾𑐣𑐾𑐐𑐸 𑐖𑑂𑐫𑐵𑐫𑑂 𑐫𑑀𑐐𑐡𑐵𑐣 𑐧𑐶𑐫𑐵 𑐔𑑂𑐰𑐣𑐵𑐡𑐷𑐴𑑂𑐩 𑐩𑐫𑐾𑐖𑐸 𑐬𑐶𑐖𑐸 𑐱𑑂𑐬𑐾𑐲𑑂𑐛 𑐫𑐵𑐟 𑐴𑐣𑐾𑐎𑐠𑑃 𑐠𑑂𑐰 𑐣𑐐𑐸𑐩𑐵𑐫𑐵 𑐩𑑀𑐜𑐾𑐮𑐎𑐠𑑃 𑐮𑑂𑐫𑐾𑐫𑐵 𑐟𑑅𑐐𑐸 𑐡𑐸 𑑋 𑐠𑐠𑐾 𑐠𑑅𑐐𑐸 𑐴𑐾 𑐣𑐾𑐥𑐵𑐮 𑐣𑐐𑐸𑐩𑐵 𑐡𑐫𑐾𑐎𑐵 𑐕𑐾𑐮𑐾 𑐫𑑅𑐥𑐶𑐣𑑂𑐟𑑅 𑐠𑐸𑐎𑐷𑑃 𑐐𑐸𑐴𑐵𑐮𑐶 𑐖𑐸𑐂𑐐𑐸 𑐀𑐣𑐸𑐩𑐵𑐣 𑐡𑐸𑑋 𑐠𑐠𑐾 “𑐣𑐾𑐥𑐵𑐮 𑐣𑐐𑐸𑐩𑐵 – 𑐖𑐶𑐐𑐸 𑐣𑐐𑐸𑐩𑐵” 𑐡𑐫𑐾𑐎𑐵 𑐕𑐾𑐮𑐾 𑐫𑑅𑐥𑐶𑐳𑑃, 𑐣𑐾𑐥𑐵𑐮𑐮𑐶𑐥𑐶 𑐀𑐣𑐮𑐵𑐂𑐣𑑂 𑐫𑐵𑐟 𑐳𑑂𑐰𑐵𑐥𑐹 𑐟𑐿 𑐡𑐶𑐫𑐾𑐦𑐸 𑑋 𑐗𑐷𑐟𑑅 𑐳𑑂𑐰𑐵𑐥𑐸 𑐟𑐫𑐾𑐟𑑅 𑐠𑐣 𑐟𑐶𑐫𑐵 𑐡𑐶𑐳𑑃 𑐰𑐫𑐵 𑐴𑑂𑐣𑐵𑐥𑐵𑑃 “𑐣𑐾𑐥𑐵𑐮 𑐣𑐐𑐸𑐩𑐵 – 𑐖𑐶𑐐𑐸 𑐣𑐐𑐸𑐩𑐵” 𑐫𑐵 𑐩𑑀𑐜𑐾𑐮 𑐣𑐐𑐸𑐩𑐵 𑐳𑑂𑐰𑐫𑐾𑐟𑑅 𑐠𑐣 𑐟𑐶𑐫𑐵 𑐡𑐶𑐳𑑃

Leave a Comment

Your email address will not be published.