Texas Nepalese celebrate the Nepal New Year 1131

Texas, US – The Newah Cultural Association of Texas, in association with Nepalese Society of Texas (NST) and Jhigu Sah: Radio, organized an event to mark the New Year 1131 (Nepal Samvat) with Newar food and cultural performances on Sunday, October 31, 2010 in Irving, Texas with participation of more than 550 people. More in Nepal Bhasa.

अर्विङे नेवाः भोय् व सांस्कृतिक ज्याझ्व कार्यक्रम तःजिक हन

अर्विङ, टेक्सास – नेवा:कल्चर एसोसियसन अफ टेक्सासया ग्वसालय् दँयदँसँथेँ, थुगुसीनँ नेवाः भोय् व सांस्कृतिक ज्याझ्वः वंगु ओक्टोबर ३१ कुन्हु अर्विङे तःजिक हन। ऊगु ज्याझ्वय् लगभग ५५० (ञासः व ञेम्ह) सिबे आपा जन समुदायँ ब्वति काःगु जुल। थुलि मछि आपालँ जन समुदाय भेला जुया नेवाः भोय् ञायकूगु थ्व दकले न्हापाखुसि खः, संयोजक अनिल मानन्धरँ धया दिल। लिबाक्क थ्यँपिँ पाहाँपिनितः भोय् सकताँ परीकार पुरे याय् मफया ग्वसाःखलःतय् म्हाइपूगु खँनँ वयकलँ प्वंकादिल।

ज्याझ्वः पूर्णतया पारिवारिक बातावरणय् सम्पन्न जूगु जुल। सांस्कृतिक ज्याझ्वय् त्रिपुर मानन्धरया संयोजनय् परम्परागत नेवाः लोक बाजा थाना जन समुदाययात गनँ थः नेपाल मण्डलय् हे च्वनाच्वना थेँ तायका बिल। थथेहे, अशिस्मा नकःमि, अयुश्मा वज्राचार्य, शिल्विया मानन्धर व इशा घिमिरेया नेपालि व नेवाः लोक नृत्य तसकँ न्ह्याइपूगु आकर्षक नृत्य जुया बिल। नापँ नेवाः पोसाकय् सजय् याना नेपालया थेँ हे नसाया परीकारत पुरातन परम्पराकथँ सकलेँ नापँ बँय् फेतुना भोय् नया च्वंगु दृष्य अतिकँ रोचक जूगुसा, गुकिँयाना थन जन्मे जुया हुर्के जूपिँ मस्तयसँनँ आपालँ सयके सीकेगु मौका पावय् जूगु जुल। नेपालय् संघीयताया बहस जुया च्वंगु इलय् डलासय् थुज्वःगु कथँया ज्याझ्वलँ झी नेपाल जनता अनेकताय् एकताया परिचय बिया बिल।

नेवा:कल्चर एसोसियसन अफ टेक्सास, नेपलिज सोसाइटी टेक्सास तथा झीगु स: रेडिवाया संयुक्त ग्वसालय् जूगु नेवाः भोय् व सांस्कृतिक ज्याझ्वय् ब्वतिकया दीपिँ सकलेँ नेपाल दाजुकिजा नापँ तताकेहेँ सकसितँ, नेवा: कल्चर एसोसियसन अफ टेक्सास पाखेँ दुनुगलँ निसेँ सुभाय् देछागु दु। ज्याझ्वःया विडिओ थन क्वसँ स्वया दिसँ।
(थ्व नेपाल भासया बुखँ सम्पादन, त्रिपुर मानन्धरजु व स्वयम्भु शाक्यजुया ग्वाहालिनापँ झी द नेवाः दुजःपाखेँ जूगु जुल। विडिओ श्रोत – टेक्सास नेपाल ब्लग।)

[vimeo 16387033 w=400 h=225]

Newa Bhoj 2010 Highlights from TexasNepal.com on Vimeo.

3 thoughts on “Texas Nepalese celebrate the Nepal New Year 1131”

  1. Binod Saymi (Aala)

    “Newa Bhoj” madha se “NEWA MUNA” dhasa banla jui. Gathe Chon?
    Newa ta nhyathaye wansan bhoye jaka naya chona pin la makhu ni.

  2. comment ya lagee yokko yokko subhay bhaju binod ju,
    jheesan “newah muna” ya “bhoye” madhaa se “bhoj” dhayagu kaaran chhu dhaasa, dallas texas le chwan pi fukka newah jaka makhasey, newah makhupin pasa pinta na bwati kaaygu avasar beeta kha!
    subhay!
    tripur sayami

  3. Binod Saymi (Aala)

    Bhoye/Bhoj madhase MUNA dhayegu payechi taa. Hakana Newa muna dhaye won Non-Newah ta waye majyu dhaigu madu ni. Sakitan lasakusa yayegu ban he laa.

Leave a Reply to Binod Saymi (Aala) Cancel Reply

Your email address will not be published. Required fields are marked *