𑐣𑐾𑐥𑐵𑐮 𑐮𑐶𑐥𑐶 𑐀𑐣𑐮𑐵𑐂𑐣𑐫𑐵 𑐣𑑂𑐴𑐹𑐐𑐸 𑐰𑐾𑐧𑐳𑐵𑐂𑐚𑐫𑑂 𑐮𑐳𑐎𑐸𑐳

𑐣𑐾.𑐳𑑄. 𑑑𑑑𑑔𑑐 𑐧𑐕𑐮𑐵 𑑑

𑐖𑑂𑐰𑐖𑐮𑐥𑐵! 
𑐗𑐷𑐐𑐸 𑐣𑑂𑐴𑐹𑐐𑐸 𑐰𑐾𑐧𑐳𑐵𑐃𑐚𑐫𑑂 𑐣𑐾𑐥𑐵𑐮 𑐮𑐶𑐥𑐶 𑐕𑐾𑐮𑐵 𑐣𑐾𑐥𑐵𑐮 𑐨𑐵𑐳 𑐳𑐫𑐾𑐎𑐾𑐟 𑐩𑐵𑐐𑐸 𑐳𑐾𑐰𑐵 𑐐𑐠𑐾𑐎𑐶, 𑐣𑐾𑐥𑐵𑐮 𑐮𑐶𑐥𑐶 𑐮𑐶𑐥𑐶𑐴𑐶𑐮𑐵 (𑐬𑐹𑐥𑐵𑐣𑑂𑐟𑐬𑐞), 𑐣𑐶: 𑐱𑐸𑐮𑑂𑐎 𑐜𑐵𑐄𑐣𑐮𑑀𑐜 𑐣𑐾𑐥𑐵𑐮 𑐮𑐶𑐥𑐶 𑐦𑐣𑑂𑐚, 𑐣𑐾𑐥𑐵𑐮 𑐨𑐵𑐳 𑐏𑑃𑐐𑑂𑐰 𑐢𑐸𑐎𑐹, 𑐣𑐾𑐥𑐵𑐮 𑐣𑐐𑐸𑐩𑐵 𑐣𑐵𑐥𑑃 𑐩𑐾𑐩𑐾𑐐𑐸 𑐀𑐣𑐮𑐵𑐂𑐣 𑐳𑐾𑐰𑐵 𑐕𑐾𑐮𑐵 𑐡𑐷𑐦𑐿𑑋 𑐠𑐸𑐐𑐸 𑐰𑐾𑐧𑐳𑐵𑐃𑐚𑐫𑑂 𑐁𑑅 𑐥𑐹𑐰𑑄𑐎𑐴𑐾 𑐣𑐾𑐥𑐵𑐮𑐮𑐶𑐥𑐶 𑐕𑐾𑐮𑐾 𑐖𑐷 𑐢𑐸𑑄𑐎𑐹𑐐𑐸 𑐡𑐸𑐳𑐵, 𑐩𑑀𑐧𑐵𑐂𑐮𑐫𑑂 𑐣𑑃 𑐧𑐵𑐣𑐮𑐵𑐎𑐴𑐾 𑐳𑑂𑐰𑐫𑑂 𑐡𑐿𑑋 𑐗𑐷𑐳𑑃, 𑐫𑐵𑐎𑐣𑑃 𑐴𑐾 𑐣𑐾𑐥𑐵𑐮𑐨𑐵𑐳 𑐨𑐵𑐳𑐴𑐶𑐮𑐵 𑐟𑐣𑐾𑐐𑐸 𑐖𑐸𑐂𑑋 𑐧𑐶𑐳𑑂𑐎𑑃𑐫𑐵𑐣𑐵 𑐠𑐸𑐐𑐸 𑐰𑐾𑐧𑐳𑐵𑐃𑐚 𑐗𑐷𑐳𑑃 𑐠𑑁𑑃 𑐣𑑂𑐴𑑂𑐫𑐵𑐎𑐾 𑐦𑐫𑐵 𑐀𑐟𑐶𑐎𑐣 𑐮𑐳𑐟𑐵 𑐰𑑅𑑋 𑐕𑐵𑐫𑑂 𑐢𑐵𑑅𑐳𑐵, 𑐠𑑂𑐰 𑐧𑐕𑐮𑐵 𑐮𑐔𑑂𑐕𑐶𑐫𑐵 𑐡𑐸𑐣𑐾 𑐴𑐮𑐶𑑃𑐫𑐵𑐟 𑐱𑐵𑐣𑑂𑐟𑐶 𑐴𑐳𑐣𑐵 𑐄𑐥𑐡𑐾𑐳 𑐧𑐶𑐫𑐵 𑐧𑐶𑐖𑑂𑐫𑐵𑐩𑑂𑐴 𑐧𑐸𑐡𑑂𑐢 𑐨𑐐𑐰𑐣𑑂 𑐰 𑐣𑐾𑐥𑐵𑐮𑐫𑑂 𑐧𑐸𑐡𑑂𑐢 𑐢𑐬𑑂𑐩 𑐰 𑐣𑐾𑐥𑐵𑐮𑐨𑐵𑐳 𑐕𑐾𑐮𑐵 𑐳𑐸𑐠𑐵𑑃 𑐮𑐵𑐎𑐾𑐟 𑐠𑑅𑐐𑐸 𑐖𑑂𑐫𑐵𑐣 𑐴𑐾 𑐥𑐵𑐣𑐵 𑐡𑐷𑐥𑐶𑑃 𑐥𑐾𑐩𑑂𑐴 𑐩𑐴𑐵 𑐥𑐸𑐬𑐸𑐲𑐥𑐶𑐣𑐶𑐐𑐸 𑐧𑐸𑐣𑑂𑐴𑐶𑐣𑑃 𑐔𑐹𑐮𑐵 𑐰𑑅𑐐𑐸𑐮𑐶𑑃 𑐏𑑅𑑋 𑐣𑐵𑐥𑑃 𑐗𑐶𑐡𑑃 𑐣𑑂𑐴𑑂𑐫𑐰𑑅 (𑐣𑐾.𑐳𑑄. 𑑑𑑑𑑒𑑘 𑐫𑐾𑑃𑐮𑐵 𑑑𑑒) 𑐴𑐮𑐶𑐩𑐫𑑂 𑐡𑐎𑐮𑐾 𑐣𑑂𑐴𑐵𑐥𑐵𑑃𑐐𑐸 𑐣𑐾𑐥𑐵𑐮𑐮𑐶𑐥𑐶 𑐀𑐣𑐮𑐵𑐂𑐣 𑐣𑑂𑐴𑑂𑐫𑐵𑐎𑐵𑑃 𑐣𑐶𑐳𑐾𑑃 𑐩𑐡𑐶𑐎𑑂𑐎 𑐐𑐸𑐴𑐵𑐮𑐶𑐫𑐵𑐣𑐵 𑐰𑐫𑐵 𑐔𑑂𑐰𑐣𑐵𑐡𑐷𑐥𑐶𑑃 𑐳𑐎𑐮 𑐥𑐵𑐳𑐵𑐥𑐶𑐣𑑂𑐟 𑐎𑐺𑐟𑐖𑑂𑐘 𑐡𑐾𑐕𑐵𑐣𑐵 𑐔𑑂𑐰𑐣𑐵𑑋 𑐗𑐷𑐐𑐸 𑐰𑐾𑐧𑐳𑐵𑐂𑐚 𑐡𑐸𑐳𑑂𑐰𑑅 𑐗𑐵𑐫𑐵, 𑐕𑐶𑐐𑐸 𑐥𑑂𑐬𑐟𑐶𑐎𑑂𑐬𑐶𑐫𑐵 𑐧𑐶𑐫𑐵𑐡𑐶𑐮 𑐢𑐵𑑅𑐳𑐵, 𑐨𑐰𑐶𑐲𑑂𑐫𑐫𑑂 𑐠𑐷𑐠𑐷𑐐𑐸 𑐳𑐾𑐰𑐵 𑐡𑐸𑐠𑑂𑐫𑐵𑐎𑐾𑐟 𑐐𑐸𑐴𑐵𑐮𑐷 𑐖𑐸𑐂𑐐𑐸 𑐡𑐸𑑋 – 𑐣𑐾𑐥𑐵𑐮𑐮𑐶𑐥𑐶 𑐀𑐣𑐮𑐵𑐂𑐣𑑂 

Leave a Comment

Your email address will not be published. Required fields are marked *