नेवाःतयतः सुनाँ उत्थान याइगु? नेवाः पार्टिँ लाकि, माओवादी पार्टि ?

नेवाः तयगु मातृभूमि नेपाल मण्डलया राज्ययात लाककागु २३६ वर्षया लिपा बल्ल नेवाःतयगु छ्योँ धस्वाके फयावयाच्वँगु आया परिस्थिती, नेवाःतय् बिचय् सुनाँ नेतृत्व काइगु धैगु खँय् सकसियाँ ध्यानाकर्षण जुया च्वगु दु। नाँजापिँ नायःत, गुलिँ माओवादीया टिकटे अन्तरीम पार्लिमेन्टया मेम्बरत खःसा, गुलिँ न्हूगु नेपाः राष्ठ्रीय पार्टिया मेम्बर जुयानँ, गुलिँ मेमेगु पार्टिया मेम्बरत जुया संविधान सभाया चुनावय् प्रतिस्पर्धा यायत तयार जुयाच्वंगुदु।
थउँ या छगु बुखँकथँ, येँ महानगरपालिकाँ नेवाःतय् भास, लिपि, संगीत आदिया विकासया लागी १करोड तकाया बजेट, मनपाया परिषदँ छुटेयागु दु धासा, थ्व बजेट विनियोजनया प्रस्ताव मनपा संचालन संयन्त्रयया माओवादी प्रतिनिधि सर्वोत्तम डंगोलँ तयादीगु खः।
नेपाल भासया विकासया लागी धात्थे सहयोग जुइगु खःसा, आयात दकले मदयक मगागु सहयोगला, झीगु भासया प्रचलित लिपियात युनिकोडे इनकोड यायगु ज्याखः। नेपाले कम्प्यूटर क्षेत्रेः नेवाः टेक्निशियनत थेँ ज्ञानदुपिँ सूँनँमदु। नेपालि देवनागर लिपियात युनिकोडे इनकोड याःपिँनँ नेवाःतहे खः। अयनँ नेवाः टेक्निशियन् तयसँ, थःगु मातृभासयात प्राठमिकता बिया प्रचलित लिपियात युनिकोडे इनकोड याय मफुनि। छगु तःधंगु कारणला आर्थिक सहयोग मदुगु खः।
सर्वोत्तम् डंगोलजुँ थ्व आवश्यकतायात थुइका मागु गुहालि यानादिल धासा, संसारे दकले न्हापाँ नेपाल प्रचलित लिपियात युनिकोडे इनकोडयायगु ऐतिहासिक देन जुइगु व उकिँयाना, सारा नेवाःत संसारे च्वँपिँ नेवाःतलिसे थःगु भासँहे ईमेलया एक्सचेन्ज, वेबसाइट चले यायफइगु तःधंगु देन् यात थुइकादीगु खःला, अथवा गःफँजक १ करोड तका दाँ पच जुइगु स्वयगु बाकिहे दनि।
धात्थे प्रचलित लिपियात गुहालि बीगु खःसा, झी मदँकिषण् दाईनँ, “ जय् सरोत्तम् दाई, जय् नेपाल भास, जय प्रचलित लिपि!” धका जिन्दावाद मयाइमखु जुइ। अले मदँकिषण् दाइया ल्यूने जिपिँनँ (प्रचलित लिपि इन्कोडिङ कमिटि) अवश्यँ दु। अले, छिकपिँनँ जिमिगु साथे दुहला, प्रचलित लिपियात युनिकोडे इन्कोडिङ यायत ? सर्वोत्तम दाइया गुहालि कायत?

1 thought on “नेवाःतयतः सुनाँ उत्थान याइगु? नेवाः पार्टिँ लाकि, माओवादी पार्टि ?”

  1. Dinesh Bala Shre

    We have to prevent our culture and comunity from falling behind. It’s too late to do but am happy now its beginning.

Leave a Comment

Your email address will not be published. Required fields are marked *