An election to write a new Constitution, not to elect a President yet

ने॰ सं॰ ११२८ चिल्लागा ९ (नवमी) सोमवाः

संविधान सभाया चुनाव थउँनँ, थ्याक्कहे १० (झि) न्हु जक बाकिदनि।राष्ट्रपति जुयतः हथाय जूपिँसँला थ्व चुनावँहे राष्ट्पति जुइगुथेँ तायका च्वन्गुदु।अएनं थ्व चुनावला, देसया न्हूगु संविधान च्वयतः योग्यजूपीँ नेपाःदेःया प्रतिनिधित ल्यइगु चुनाव जक तिनि। राष्ट्रपति चुनाव मखुनि न्हाँ। राष्ट्रपति, प्रत्यक्ष चुनावँ ल्यइगुला, पार्लिमेन्टँ ल्यइगुला धैगु छुँहे निर्णयहे मजूनि। व निर्णय याइगुला, थुगुसिगु संविधान सभाया चुनावँ त्यानावइपिसँ दयकीगु नेपाःया न्हूगु संविधानं तिनि। उकेँ सुयाँ मयम्ह नेपाःयाम्ह राष्ट्रपति जुइधका आवँनिसेँ धन्ना कायम्वानि। अएनँ (तर) थुगुसिगु संविधान सभाय, सुयातः ल्ययाछोयगु धका बाँलाक्क बिचायाना भोट् कुर्केमफत धासा, भविष्ये जुइगु संकटे छिनं, जिनं झी फुक्कँ थुगुसिइ भोट् कुर्कूपिँ सकलेँ जिम्मेवारि जुइमालेफु न्हाँ।उकेँ बाँलाक्क बिचायायनु।

सुयातः, छु पार्टियातः भोट बियेगुले?
खःजा झी फुक्कँ नेपाःमित, नेपाले दूगु राजनैतिक पार्टिते दुने, थःयःगु पार्टि, थःयम्ह पार्टि उम्मेदवार यात भोट् कुर्केगु झीगु अधिकार दु। सुनानँ धाःथेँ यायमाःगु मदु। अयनँ, थुगुसियागु संविधान सभा थःयःगु पार्टियात भोट कुर्केगु अधिकारयात प्राथमिकता बियेगु आवश्यकता सिबेनँ, झीगु जाति हनन् जुइगु , द्वलँद्वःदँतक्क म्वाना वयाच्वनागु झीगु वासस्थान हनन् जुइगु ग्यानापुसे च्वंगु भविष्ययात सुरक्षा यानाबीपिन्तः झीसँ भोट बीमागु दु। व सुनाँ याइले धायबले झीगु भोटँ त्याना संविधान सभाय् झीगु प्रतिनिधि जुया झीगु अधिकारयात आबद्धयाना न्हूगु नेपाःया संविधाने दुथ्याकेतः ज्यासनीपिँ नेवाः उम्मेदवारतहे जक खः। अथे ज्यासनेतः पलिस्था जूगु पार्टिला झीगु नेपाः राष्ट्रीय पार्टि हे खः, उकियागु टिकटँ दनीपिँ उम्मेदवारतहे खः। वयकःपिँ खः (विस्तृत नाँधल छगु न्हापायागु पोष्टे दुथ्याका तयधुन।अएनँ, हानं चीहाकथँ लुमंका च्वना)

१) सुवर्ण केशरी चित्रकार , येँ (काठमाडौ) निर्वाचन क्षेत्र नं ६
इलाका – (१) काठमाडौ म, न, पा, वडा नं, २९, ३० व ३१, (२) धर्स्थली, (३) गोंगःबु, (४) मनमैजु, (५) झोरमहाँकाल, (६) काभ्रेस्थली, (७) फुटुङग (८) साङगला।

२) विजय प्रकाश सैजु , येँ (काठमाडौ) निर्वाचन क्षेत्र नं ७
इलाका – (१) काठमाडौ म, न, पा, वडा नं, १६, १७, १८, २६, २७ व २८, (२) इचंगुनारायण, (३) जितपुरफेदी, (४) गोलढुंगा।

३) नरेश वीर शाक्य येँ (काठमाडौ) निर्वाचन क्षेत्र नं ८
इलाका – (१)काठमाडौ म, न, पा, वडा नं, १३, १५, १९, २०, २३, २४ व २५ (२) सितापाइला।

४) येँ (काठमाडौ) निर्वाचन क्षेत्र नं १० याम्हँ, विष्णु प्रसाद श्रेष्ठ ;
इलाका – (१) कीर्तिपुर न, पा, (२) सौखेल सेतिदेवी, (३) शेषनारायण, (४)टल्कुडुँडेचौर, (५) छैमले, (६) दक्षिणकाडली, (७) चाल्नाखेल (८) सतुङगल, (९) मच्छेगाउँ, (१०) महादेवस्थान, (११) मातातिर्थ (१२) बाँड भञ्ज्याङग, (१३) थानकोट ।

५) पुष्प रत्न शाक्य, यल (ललितपुर) निर्वाचन क्षेत्र नं २
इलाका – (१) लामाटार, (२) लुभू, (३) टीकाथली, (४) इमाडोल, (५) सिद्धिपुर, (६) ललितपुर उ म न पा वडा नं ६,७,८,९,११,१२,१६,१७, १८, १९, व २२

६) धन भक्त शाक्य (लुमन्ती), यल (ललितपुर) निर्वाचन क्षेत्र नं ३
इलाका – (१) सैबुभैसेपाटी, (२) खोकना, (३) सुनाकोठी, (४) ठैव, (५) हरिसिद्धि, (६) बुङगमति, (७) ठेचो, (८) धापाखेल, (९) ललितपुर उ म न पा वडा नं १,२,३,४,५, १०,१३,१४,१५, २० व २१।

लुमंका दिसँ, थ्व चुनाव राष्ट्रपति चुनाव मखुनि। थ्व चुनाव नेवाः झीगु अधिकार यात सुरक्षा यायतः, झीगु द्वलँद्वँदँ पुलाँगु वासस्थान नेपाः मण्डः यात बचे यायतः उम्मेदवार जुयादीपिँ नेवाःतेतः भोट कुर्केगु चुनाव खः। झी, नेपालि काग्रेस, एमाले, माओवादी वा मेमेगु पार्टि ययेफु। थुज्वःगु पार्टियातनं झीसँ भोट् बियेज्यू। अथे भोट कुर्केगु पाः आ मखुनि। थुगुसिया संविधान सभाय झी नेवाः उम्मेदवारत त्याका छोया, झीगु अधिकारयात सुरक्षा याइगु संविधान दयकेधुंका जुइगु निर्वाचनय् थःयत्थे, यःयःगु पार्टियात भोट बीज्यू् । न्हापालाक्क झीगु तुतिँनिँ चुयेनु। थःगुहे स्थिति बःमलायकँ मेपिन्त गथे लसकुस यायगु? आःयात नेरापाया नापँ नेवाः उम्मेदवारतेतः,
अले पार्टि चीँ खड्ग यातः झीगु मूवंगु भोट कुर्केगु बुद्धिमानि जुइ।
– झी दनेवाः
छिगु comment थन क्वसँ च्वयादिसँ।