New York city honours Dr. Pradhan

New York

News in brief
Dr. Rajendra Pradhan, a prominent physician and Nepali American community leader was one of the six distinguished South Asians community leaders honored by New York City Comtroller Hon. William C. Thompson, Jr. in New York last Monday. Mr. Thompson praised Dr. Pradhan for his outstanding work treating and caring for sick and injured; for educating and mentoring generations of young students and physicians; and for his lasting contributions to both the Nepali, South Asian American community and New York City.

Full Story in Nepal Bhasa
New York City Comptroller Hon. William C. Thompson hands over the Award of Commendation to Dr. Rajendra Pradhan, a senior Nephrologist at St. Vincent's Hospital in Manhatten and Founding Chair of the America-Nepal Friendship Society.

डा. प्रधानयात न्यूयोर्क महानगर संचालक पाखेँ सम्मान

नेपाल् संवत् ११२८ तछलागा १२ (द्वादशी) सोमवाः – न्यूयोर्क

थनी ४० (पी) दँ न्ह्यवःनिसे अमेरिका च्वना मेडिकल ख्यलेनं दक्षिण एसिया समुदायया उत्थानया लागीनं तःधंगु देन यानादीम्हँ झी राजेन्द्र प्रधान डाक्टर भाजुयात, ८० (चे) गु लाखँ मयाक्क जनसंख्या दूगु अमेरिकाया न्यूयोर्क शहरया संचालक पाखेँ हनापौ लःल्हागु बुखँ दु। वंगु सोमवाः कुन्हु न्यूयोर्कया फ्लशिङ सिटी हःले सम्पन्न जूगु छगु सभाय् , न्यूयोर्क शहरया संचालक विलियम् तोम्सन भाजु मेडिकल ख्यले व शहरवासी दक्षिण एसिया जन समुदायया उत्थानया लागी देन याःपिन्तः हनेगु ज्याजुल। अथे हँपिँ खुम्हसिया दथुई, झी प्रधान डाक्टर भाजुनँ छम्हँ खः। हनापौ देछासे, तोम्सन भाजुँ झी प्रधान भाजुया न्यूयोर्क वासीतेत जक मखुसे, वयाँ पिनेनं मेडिकल ख्यले यानादीगु देनयात च्वछाना दिल।

हनापौ स्वीकारयासे, झी प्रधान डाक्टर भाजुँ, “१९६८ साले अमेरिकाय वयाः सेटल् जूवये फूगु धैगु हे मार्टिन् लूतर किं थे जापिँ समाज उत्थानया नायोतेःगु देनँयाना जिपिँ थन वया थुज्वःगु देन याय फूगुखः” धयादिसे, वयकःपिन्तः सुभाय बियादिल। झी राजेन्द्र प्रधान डाक्टर भाजु, अमेरिका-नेपाल मैत्री संघया संस्थापक अध्यक्ष खःसा न्यूयोर्क मानहाटन् या सेन्ट् विन्सेन्ट् अस्पताले थकालिम्हँ नेफ्रलोजि विशेषज्ञ खः।

अमेरिका-नेपाल मैत्री संघया पूर्व अध्यक्ष तारा निरौला डाक्टर भाजुया लसकुस न्वचूनं सुरुजूगु थ्व सभाय् क्वीन्स् बरोया सभाध्यक्ष हेलन मार्शल, सभासद जोन लिउ पिनि पाखेँ नेपाः नापँ दक्षिण एसिया जन समूहया देनया बारे चर्चा यानादिल। नापँ, संघया पूर्व अध्यक्ष कमल कार्कि, कार्यभार अध्यक्ष डा विनोद शाह, महासचिव डा परिता रिमाल भाजु मयजु नापँ आपालं नेपाः, दक्षिण एसिया जनसमूहया प्रतिनिधित व अमेरिकन पासापिँसँ ब्वतिकागु दु।

– झी राजेन्द्र प्रधान डाक्टर भाजुँ थःगु कर्मभुमि व जन्मभूमिया सकसितँ बियादीगु देन नापनापँ थःगु स्वास्थनं ब्वलना च्वँसे समाज ऊत्थान याना वनेफयेमा धका भीँतुना च्वना। (झी The Newah)

छिगु कमेन्ट् थन क्वसँ च्वयादिसँ।

Leave a Comment

Your email address will not be published. Required fields are marked *