Buddhists of Nepal warn the government not to obstruct religious freedom

News in brief
Venerable gurus, lama, anis and religious community leaders have demanded the government and others not to involve them in the Tibetan refugee activities. They asked the government not to obstruct religious freedom and mix their religious activities with the Tibetan refugee problems at a press conference held at Reporters’ Club in the capital last Tuesday.

Full story in Nepal Bhasa

नेपाःया बौद्ध महासंघँ धार्मिक स्वतन्त्रयात अवरोध खडा यायेमते धका सरकारयाके माग

नेपाल संवत दिल्लाथ्व ३ (तृतिया) शनिवाः
नेपाःया बौद्ध गुरु, लामा नापं अनीपिसँ तिब्बती शरणार्थीतेगु गतिविधिई थःपिन्तः तक्यन्के मते धका इनाप याःगु दु। वंगु मंगलवाः कुन्हु लायकूया रिपोर्टर्स क्लबे, नेपाल बौद्ध महासंघँ पत्रकार सम्मेलन याना स्वतन्त्र रुपँ धार्मिक व सामाजिक गतिविधि यायेत अवरोध खडा यायेमते धका सरकारयाके माग यागु दु।

नेपाल बौद्ध महासंघया अध्यक्ष च्यवा तामाङ लामाँ तिब्बतया समस्या क्येना प्रहरी प्रशासनँ नेपाःया लामा आनिपिन्तः धरपकड, थुनछेक यागुलिइ आपत्ती केना दिसे, थःपिन्तः चीन व तिब्बतया आन्तरिक मामलाये तक्यन्के मते धका इनाप याना दिल।

नेपाल आदिवासी जनजाति महासंघया अध्यक्ष पासाङ शेर्पाँ, नेपाःया बौद्ध धर्मालम्बीतेतः तिब्बती नागरिक व चीनया बीचेया सम्बन्धे तक्यन्केगु ज्या जुया च्वन्गुलिइ आपत्ती केना दिल। धर्म निरपेक्ष राज्य घोषणा जुइधुन्कानं बौद्ध धर्मालम्बीतेतः दोस्रो दर्जाया नागरिक सरह व्यवहार जुयाच्वंगु खँ धैदिसे, थुज्वःगु रवैया दयातुँ च्वन धाःसा कडा कदम छेलेगु चेतावनी बिया दिल। बौद्ध धर्मालम्बी लामातेतः राज्यया निकायपति पाखेँ जुया च्वंगु दुख बीगु ज्यायात विरोध याना दिल।

नेपाली कांग्रेसया केन्द्रीय दुजः नापँ सभासद जिपछिरिङ लामाँ, बौद्ध धर्मालम्बी लामातेतः तिब्बतया व चीनया मामलाय् तक्यन्केगु गलत धका धै दिल। राज्यँ लामातेतः दुख बीगु ज्या जुयातुं च्वना धाःसा संविधानसभाया ध्यानाकर्षण यायेमाली धका धैदिल।