Indian Ambassador declares open Nepal Bhasa Parishad building

Yen, Nepal Mandala – Renovated building donated by Nepal’s Great Poet Chittadhar Hriday and his sister Motilaxmi Upasika to Nepal Bhasa Parishad in Kathmandu was declared open by Indian Ambassador H. E. Rakesh Shud at a function organized at the Nepal Bhasa Parishad premises in Kathmandu today. The building was renovated at the cost of 5,200,000 Nepal Rupees donated by the Government of India. More in Nepal Bhasa…………..

हिन्दुस्तानया राजदूतँ नेपालभाषा परिषदया छेंया उलेज्या
नेसं ११३० बछला २२ शुक्रवाः सप्तमि

येँ, नेपाल मण्डल – झी कविकेशरी चित्तधर “हृदय” व कवियत्री मोतीलक्ष्मी उपासीका पाखें नेपालभाषा परिषदयात त्वःता थकूगु न्यत, तुँछें त्वाःलय् च्वंगु छेंया पूनर्निर्माणज्या क्वचाःयका उगु छेँया उलेज्या थौं बछला २२ (जेष्ठ २१ गते) कुन्हु हिनदुस्तानया राजदूत भाजु राकेश सुद पाखें सम्पन्न जुल। १२० दँति पुलाँगु ऊगु छें तसकँ हे जीर्ण जूगुलिं ५२ लाखया लागतय् पूनर्निर्माण (न्हूधाः) या ज्या न्ह्यागु खः। बःचाधंक जूगु ज्याझ्वःलय् हिन्दुस्तानया राजदूत राकेश सुद भाजुँ नेपाःया थाय् थासय् थःपिनिपाखें फूगु चाःगु ग्वाहाली यानावैच्वनागु खँ कनादिल। परिषदया कोषाध्यक्ष मय्जु डा.लक्ष्मीकेशरी मानन्धरं छेंया न्हूधाःया ल्याःचाः न्ह्यब्वयादीगु ऊगु ज्याझ्वः नायः (अध्यक्ष) फणिन्द्ररत्न बज्राचार्यं झी कविकेशरी चित्तधर हृदय व कवियत्री मोतीलक्ष्मी उपासीकाया म्हसिका ल्यंका तयेतः थुगु परियोजना न्ह्याकागु व परियोजना सम्पन्न यायेतः हिन्दुस्तानया राजदूतावास पाखें आर्थिक ग्वाहाली प्राप्त जूगुलि हिन्दुस्तान सरकार प्रति कृतज्ञता देछाना दिल।
किपा व बुखँ सुभाय् – सागरमान वज्राचार्य