Vote to save your native land, Nepal!

छिगु भोटँजक झीगु जन्मभूमि, नेपादेः सुरक्षा जुइ।

नेपाल संवत ११२८ चिल्लाथ्व ८ (अष्टमी) शनिबाः
न्हूगु नेपाःया संरचनाया लागी सकल नेपाःमितेगु प्रतिनिधित्वँ न्हूगु संविधान च्वयगु उद्देश्यँ जुइगु संविधान सभाया चुनाव, आःवइगु चउलाथ्व ५(पञ्चमी) [10 April 2008] बिहिबाःकुन्हु ग्वसाग्वयातःगु दु। निकः मछि लिहाँवनेधुंकूगु थ्व चुनाव धात्थेहे जुल धासा, छिसँ सुयातः, छु पार्टियात भोट् कुर्केगु बिचायाना च्वनाथेँ? १) नेपाली कांग्रेस? ; नेकपा (एमाले)?; नेकपा (माओवादी)?, झीगु इतिहासे उखुन्हुतिनि पलिस्था जूगु नेपाः राष्ट्रीय पार्टियात? वा मेःगुहे पार्टियात? छिगु अधिकार सितींमवन्क छेलेगु खःसा, छिसँ कुर्कीगु भोटँ झीगु देः सुरक्षा जुइ।

थुगुसियागु संविधान सभा चुनाव धैगु, न्हापाया चुनावथेँ थःयःगु पार्टि वा म्हस्यूम्ह उम्मेदवार, अले भचासाँ म्हस्यूम्हेसितः भोट् कुर्केगु मखु। थुगुसीगु चुनावँला, देसे दक्वसितः शान्तिपूर्वक म्वानावनेतः, सकसितँ समान व्यवहार याइगु जनताया सरकार दयकेत माःगु “न्हूगु संविधान” च्वयतः, देःया जनप्रतिनिधित ल्ययतः खः। झी नेवाःतेतःनँ, समानरूपँ व्यबहार याइगु सरकार धैगु दतधाःसा झीगु जीवननँ आनन्दँ बितेयायगु भाग्य झीत चूलाइ। अथेयायतः, झीगु प्रतिनिधित्व याइपिँ मनूत संविधान सभाय् दुछोयमा। मधेसितयसँला “एक मधेस, एक प्रदेस” धैगु नाराँ, नेपाःयात बाकुथला कायत हे सनाच्वन्गुदु। आःहे, छकःजक तराइ बन्द जूसाँहे स्वनिगःले च्वपिँ झीत, पहाडे च्वँपिन्त गुलि हाहाकार, गुलि सास्ति जुइगु। आःयागु, न्हेःगुदलया सरकारँला मधेसितेगु माग “एक मधेस, एक प्रदेस” पुरायायगु कबुल याय धुंकल। आः झीसँ छुयायगुले? छुयायफुले? आःयात न्हूगु संविधान देकीबले, झीगु अधिकार दुथ्याकेतला झीसँ झीगु प्रतिनिधित्व मयात धाःसा, मेपिँ सुनानं यानाबी मखु। संविधान सभाय, झीगु प्रतिनिधित्व याना, झीगु भविष्ययात स्वयाबीफुपिँ सुदु, नेवाःत बाहेक? उकेँ, थुगुसियागु चुनावय् दना च्वपिँ योग्य नेवाः उम्मेदवारतेतः झी छम्हछम्हेसिगु भोट् कुर्केगु झीगुहे लागी अतिकँ आवश्यक जुयाच्वन्गु दु।

अले छु पार्टियाम्ह उम्मेदवारयात भोट् कुर्केगुले? नेवाःतेगु अधिकार सुरक्षा यायगु लक्षकया उखुनुतिनि पलिस्था जूगु नेपाः राष्ट्रीय पार्टि(नेरापा) हे झीगु प्रतिनिधित्व याइगु पार्टिते, दकले न्ह्यःने ला। देःया २४० मछि निर्वाचन क्षेत्र दुसाँ, नेपाः राष्ट्रीय पार्टिँ ७ गु क्षेत्रे सिबे उम्मेदवारत थने मफुत। ७ म्हेनँ छम्हेसिनँ उखुनु उम्मेदवार तोता बिल। आ नेपाः राष्ट्रीय पार्टि पाखेँ ६ म्ह उम्मेदवार सिबे मदु। उकेँ, नेपाः राष्ट्रीय पार्टिया उम्मेदवार मदुथाय् मेःगु पार्टिया टिकटँ दना च्वँपि योग्य नेवाःतेत त्याका संविधान सभाय् छोयफत धासा, भचासाँ नेवाःतेगु संख्या बढेजुइफु। ६०१ म्ह प्रतिनिधित दुथ्याइगु संविधान सभाय, कमसेकम् ५० म्ह नेवाःत चुनेयाना छोयफतधाःसा तिनि, झी नेवाःतेगु सः संविधान सभाया हःले थ्वयके फइ। झीगु अधिकारयात सुरक्षा यायफइ। देस निर्माणय् झीगुनँ देन यायफइ। अथेमखुसा, झीगु अवस्था आ सिबे चर्को जुइफु। झी सकसिनँ बाँलाक्क बिचायायमागु समय न्ह्यःने वयाच्वंगु दु। छि नेपाले दुसा, छिगु भोट नेपाः राष्ट्रीय पार्टियात, छिगु निर्वाचन क्षेत्रे नेरापाया उम्मेदवार मदुसा, मेगु पार्टिया योग्यम्ह (माने त्याकेफुम्ह) नेवाः उम्मेदवार बीमा। मखुसा, नेवाःत थःगु जन्म भूमिहे बिस्थापित जुइगुली छिनँ जिम्मेवारि जुइमाली न्हाँ। आ क्वसँ स्वइदिसँ, छिगु क्षेत्रे दनीम्ह नेवाः उम्मेदवार सु धका।
Win the Newah candidates!
नेपाः राष्ट्रीय पार्टिया उम्मेदवार दुथाय, नेपाः राष्ट्रीय पार्टिया उम्मेदवार यात, मदुथाय् मेगु पार्टिया टिकटँ दना च्वँपि नेवाःते बिचे छम्ह योग्यम्हेसितः छिगु भोट बियादिसँ।

१) येँ (काठमाडौ निर्वाचन क्षेत्र नं १) उम्मेदवार संख्या २२
नेपाः राष्ट्रीय पार्टिया उम्मेदवार मदु। स्वतन्त्र नेवाः उम्मेदवारनं मदु। मेमेगु पार्टिँ दनीपीँ नेवाःत थथेखः – प्रकाश मान सिंह (नेपाली कांग्रेस), सुरेन्द्र श्रेष्ठ (जनमोर्चा नेपाल), राम मान श्रेष्ठ (नेकपा-माओवादी), इश्वरी सुवाल (नेपाल मजदूर किसान पार्टि), मान कुमारी श्रेष्ठ (सरूशक्ति नेपाल)। नेवाःतय विरोधे दनीपिँ उम्मेदवारत – नेकपा एमालेया प्रदीप नेपाल; राप्रपाया तारानाथ लुइटेल; सद्भावना (आनन्ददेवी) या महेन्द्र प्रसाद आनन्द नापँ मेमेपिँ।

२) येँ (काठमाडौ निर्वाचन क्षेत्र नं २) उम्मेदवार संख्या २२
नेपाः राष्ट्रीय पार्टिया उम्मेदवार मदु। स्वतन्त्र नेवाः उम्मेदवारनं मदु। मेमेगु पार्टिँ दनीपीँ नेवाःत थथेखः – दीपक मेयर श्रेष्ठ (राप्रपा); देवराज डंगोल (नेपाल मजदूर किसान पार्टि); शरण विक्रम मल्ल (नेवाः?) (नेकपा – संयुक्त मार्क्सवादी); कृष्ष गोपाल श्रेष्ठ (चुरे भावर राष्ट्रीय एकता पार्टि)। नेवाःतय विरोधे दनीपिँ उम्मेदवारत – नेकपा एमालेया माधव कुमार नेपाल; नेपाली कांग्रेसया दीपक प्रसाद कुइकेल; जनमोर्चाया इन्दिरा बराल; सद्भावना (आनन्ददेवी) या भागनारायण महरा नापँ मेमेपिँ।

३) येँ (काठमाडौ निर्वाचन क्षेत्र नं ३) उम्मेदवार संख्या १९
नेपाः राष्ट्रीय पार्टिया उम्मेदवार मदु। स्वतन्त्र नेवाः उम्मेदवारनं मदु। मेमेगु पार्टिँ दनीपिँ नेवाःत, श्रीकृष्ण श्रेष्ठ (जनमोर्चा नेपाल); गंगाराम श्रेष्ठ (स्वतन्त्र)। नेवाःतय विरोधे दनीपिँ उम्मेदवारत – रामेश्वर फुँयाल (एमाले), चक्र बहादुर ठकुरी (कांग्रेस), शालिक राम दाहाल(राप्रपा), मनु हुमागाई (केसी) (माओवादी), रामजि ठाकुर हजाम (सद्भावना (आ), गोविन्द प्रसाद फुँयाल (माले), माइली गुरुङ (ताम्सालिङ) नापँ मेमेपिँ।

४) येँ (काठमाडौ निर्वाचन क्षेत्र नं ४) उम्मेदवार संख्या २४
नेपाः राष्ट्रीय पार्टिया उम्मेदवार मदु। स्वतन्त्र नेवाः उम्मेदवारत, मञ्जुश्री श्रेष्ठ, नरेन्द्र मिश्र, व इन्द्रमान महर्जन खः। मेमेगु पार्टिँ दनीपीँ नेवाःत थथेखः – योगेन्द्र कुमार श्रेष्ठ (राप्रपा); पवन मान श्रेष्ठ (नेकपा-माओवादी); आशालाल् श्रेष्ठ (नेमकिपा); नेवाःतय विरोधे दनीपिँ उम्मेदवारत – एमालेया विद्या देवी भण्डारी, कांग्रेसया सुप्रभा घिमिरे, जनमोर्चाया दुर्गादेवी क्षेत्री नापँ मेमेपिँ।

५) येँ (काठमाडौ निर्वाचन क्षेत्र नं ५) उम्मेदवार संख्या १७
नेपाः राष्ट्रीय पार्टिया उम्मेदवार मदु। स्वतन्त्र नेवाः उम्मेदवारत, नातिकाजी श्रेष्ठ, व इन्दिरा श्रेष्ठ। मेमेगु पार्टिँ दनीपीँ नेवाःत थथेखः विणा श्रेष्ठ (राप्रपा); दिपेन्द्र प्रकाश महर्जन (नेकपा-माओवादी); राजविर डंगोल (नेमकिपा); नेवाःतय विरोधे दनीपिँ उम्मेदवारत – एमालेया इश्वर पोखरेल, कांग्रेसया नरहरि आचार्य, जनमोर्चाया वृन्दा देवी पण्डित (ढुंगाना), सद्भावना (आनन्ददेवी)या शान्ति देवी महरा नापँ मेमेपिँ।

६) येँ (काठमाडौ निर्वाचन क्षेत्र नं ६) उम्मेदवार संख्या २४
नेपाः राष्ट्रीय पार्टिया पाखेँ, सुवर्ण केशरी चित्रकार, स्वतन्त्र नेवाः उम्मेदवारत, बाबुराजा महर्जन, राजेश महर्जन, राजेन्द्र महर्जन, रामकाजी महर्जन । मेमेगु पार्टिँ दनीपीँ नेवाःत थथेखः भीमसेन दास प्रधान (नेपाली कांग्रेस); हितमान शाक्य (नेकपा-माओवादी); सनकमान महर्जन (नेमकिपा); किरण कुमार श्रेष्ठ (नेपाल सद्भावना पार्टि-आनन्दी देवि); नेवाःतय विरोधे दनीपिँ मेपिँ उम्मेदवारत – एमालेया योगेश कुमार भट्टराइ, राप्रपाया कुपर लामा, जनमोर्चाया गंगा बेलबाँसे (पौडे) नापँ मेमेपिँ।

७) येँ (काठमाडौ निर्वाचन क्षेत्र नं ७) उम्मेदवार संख्या ३१
नेपाः राष्ट्रीय पार्टि पाखेँ, विजय प्रकाश सैँजु, स्वतन्त्र नेवाः उम्मेदवारत, रामचन्द्र लाल श्रेष्ठ, मिन्धो महर्जन, महेश श्रेष्ठ, नरेश महर्जन, शान्तराम महर्जन, पुषोतम प्रजापति, राजु श्रेष्ठ, शिवराज प्रजापति, उर्मिला कर्माचार्य, अष्ट माया महर्जन, विजेन्द्र लाल जोशी। मेमेगु पार्टितँ दनीपिँ नेवाःत, राजेन्द्र प्रसाद श्रेष्ठ (नेकपा-एमाले); प्रमिला सिंह डंगोल (नेपाली कांग्रेस); रामबहादुर श्रेष्ठ (जन मोर्चा नेपाल); हिसिला यमी (नेकपा- माओवादि); रत्नकाजी महर्जन (नेमकिपा)। नेवाःतय विरोधे दनीपिँ मेपिँ उम्मेदवारत, राप्रपाया शम्भु लामा तामाङ, राजनमोर्चाया निम बहादुर बुढामगर, सद्भावना (आ) या गोपाल साह नापँ मेमेपिँ।

८) येँ (काठमाडौ निर्वाचन क्षेत्र नं ८ उम्मेदवार संख्या ३१
नेपाः राष्ट्रीय पार्टिँ – नरेश वीर शाक्य, स्वतन्त्र नेवाः उम्मेदवारत – राजकाजी महर्जन, देवेन्द्र मान जोशी, लक्ष्मण महर्जन, रजनी महर्जन धौबन्जाः, हर्ष नारायण महर्जन, रोशनी वादे श्रेष्ठ। मेमेगु पार्टितँ दनीपिँ नेवाःत, अष्टलक्ष्मि शाक्य (नेकपा- एमाले); दिनेश शाही (राप्रपा); सर्वोत्तम दास डंगोल (नेकपा-माओवादी); कृष्णाश्वरी कोजु (नेमकिपा); उपेन्द्र कुमार नेपाली (नेकपा-संयुक्त); मोहन श्रेष्ठ (नेकपा-संयुक्त मार्क्सवादी)। नेवाःतय विरोधे दनीपिँ मेपिँ उम्मेदवारत – नविन्द्र राज जोशि (नेपाली कांग्रेस) नापँ मेमेपिँ।

९) येँ (काठमाडौ निर्वाचन क्षेत्र नं ९ उम्मेदवार संख्या १६
सुमित्रा श्रेष्ठँ उम्मेदवार लितकाःगुलिँ, नेपाः राष्ट्रीय पार्टिया उम्मेदवार मदया बिल। कृष्ण गोपाल श्रेष्ठ (नेकपा एमाले); ध्यानगोविन्द रञ्जित (नेपाली कांग्रेस); पुर्णदास महर्जन (नेमकिपा); सुनिल मानन्धर (नेकपा-संयुक्त); चन्द्र बहादुर नेपाली, केदार लाल जोशी, ईश्वर वज्राचार्य स्वतन्त्र। नेवाःते विरोधे दनीपिँ मेपिँ उम्मेदवारत – राप्रपाया बद्रि राज गिरी, माओवादीया महिला लामा तामा, सद्भावना (आ) या निरञ्जन पौडेल नापँ मेमेपिँ।

१०) येँ (काठमाडौ निर्वाचन क्षेत्र नं १० उम्मेदवार संख्या २७
नेपाः राष्ट्रीय पार्टिया पाखेँ, विष्णु प्रसाद श्रेष्ठ। स्वतन्त्र नेवाःत – मधुकर श्रेष्ठ, राजु महर्जन, हरि कृष्ण महर्हन, पुण्यसिंह महर्जन, अष्टमान महर्जन, न्हुच्छेकुमार महर्जन, नरेन्द्र महर्जन, शुभ लक्ष्मी शाक्य, अष्ट महर्जन, श्रीकृष्ण महर्जन, सुमन श्रेष्ठ, विनोद कुमार मिश्र, अन्जना विशंखे (दुलाल)। मेमगु पार्टिँ दनीपिँ नेवाःत – सानु कुमार श्रेष्ठ (नेकपा एमाले); नारायण महर्जन (नेकिमपा)। नेवाःते विरोधे दनीपिँ मेपिँ उम्मेदवारत – नेपाली कांग्रेस – राजेन्द्र कुमार के सी; राप्रपा – मदन थापा मगर, नेकापा-माओवादी –पुष्प कमल दाहाल

११) ख्वप (भक्तपुर) निर्वाचन क्षेत्र नं १ उम्मेदवार संख्या २०
नेपाः राष्ट्रीय पार्टिया उम्मेदवार मदु। कृष्ण सुन्दर द्यो (एमाले); महेश श्रेष्ट (नेका); देवेन्द्र श्रेष्ठ (नेकपा – माओवादी); नारायणमान बिजुक्छे (नेमकिपा); स्वतन्त्र नेवाः उम्मेदवारत,राजाराम दुवाल, बुद्धि बहादुर वोयजु, रामलाल न्हेम्हाफुकी, रामकृष्ण त्वायना।

१२) ख्वप (भक्तपुर) निर्वाचन क्षेत्र नं २ उम्मेदवार संख्या १५
नेपाः राष्ट्रीय पार्टिया उम्मेदवार मदु। कृष्णलाल गोजा श्रेष्ठ (जनमोर्चा नेपाल); सुनिल प्रजापति (नेमकिपा); हरिभक्त हेगजु, माइला प्रजापति, बालकृष्ण श्रेष्ठ, मदनलाल श्रेष्ठ, विष्णुराम दूमरु, कृष्ण प्रसाद कोजु, हरिभक्त बागश्रेष्ठ स्वतन्त्र। नेवाःते विरोधे दनीपिँ उम्मेदवारत, गणेश बहादुर खत्री (एमाले), लेखनाथ न्यौपाने (नेपाली कांग्रेस), रामहरी थापा (राप्रपा), अर्जुन बहादुर थापा (नेकपा-माओवादी)।

१३) यल (ललितपुर) निर्वाचन क्षेत्र नं १ उम्मेदवार संख्या १७
नेपाः राष्ट्रीय पार्टिया उम्मेदवार मदुगु थ्व क्षेत्रे, पार्टिते उम्मेदवारत १० म्ह व स्वतन्त्र उम्मेदवारत ७ म्हे, छम्हहे नेवाःत दुमथ्या। नेवाःते विरोधे दनीपिँ उम्मेदवारत, मदुसुदन पौडेल (एमाले), उदय शंशेर राणा (कांग्रेस), श्याम प्रसाद तिमिल्सिना (राप्रपा), पद्मा कुमारी राई (जनमोर्चा नेपाल), बर्षमान पुन मगर (माओवादी), गिता काफ्ले (नेमकिपा), मिन बहादुर मुक्तान (नेकपा(एकिकृत)), शान्तमान स्याङतान(नेकपा माले), दिपक कोइराला(सदभावना (आ)), नर बहादुर लामा (ताम्सलिङ नेपाल राष्ट्रीय दल)

१४) यल (ललितपुर) निर्वाचन क्षेत्र नं २ उम्मेदवार संख्या १९
नेपाः राष्ट्रीय पार्टिया पाखेँ, पुष्प रत्न शाक्य। मेमेगु पार्टिया उम्मेदवारत, सिद्धिलाल सिं (एमाले), चन्द्र महर्जन (कांग्रेस), विसन्तर कुमार शाक्य (राप्रपा), गोविन्द महर्जन (जनमोर्चा नेपाल), राककाजी महर्जन (माओवादी), अजय राज शाक्य (माले), आशामाया महर्जन (सरूशक्ति नेपाल), रूपा महर्जन, विजय महर्जन, अमिर अवाले, बालकृष्ण खड्गी, ज्ञान बहादुर शाक्य, व किरण अवाले स्वतन्त्र। नेवाःते विरोधे दनीपिँ उम्मेदवारत, उषा भट्ट (नेमकिपा), हिमाल राई (नेकपा (एकीकृत), भोला आचार्य (सद्भावना (आ), विद्यानन्द लेखी (नेकपा संयुक्तमार्क्सवादी)।

१५) यल (ललितपुर) निर्वाचन क्षेत्र नं ३ उम्मेदवार संख्या २२
नेपाः राष्ट्रिय पार्टिया पाखेँ, धनभक्त शाक्य (लुमन्ति)। मेमेगु पार्टिया उम्मेदवारत, सुदर्शन बानिया (राप्रपा); दिपेन्द्र श्रेष्ठ (जनमोर्चा नेपाल); इरिना शाक्य (नेमकिपा); दिपोराम महर्जन (राष्ट्रीय मोर्चा); हिरा बहादुर महर्जन, श्याम तण्डुकार; राजभाई महर्जन पिँ ८ म्ह स्वतन्त्र उम्मेदवारते दुने दुथ्याः। नेवाःते विरोधे दनीपिँ, उम्मेदवारत, रघु जी पन्त (एमाले), मोहन श्याम पौडेल (कांग्रेस), पम्फा भुसाल (माओवादी), रामप्रसाद भट्ट (सद्भावना (आ), लक्ष्मी राना मगर (तामाङ)-(ताम्सालिङ नेपाल राष्ट्रीय दल)।
नापँ, स्वनिगलँपिने च्वपिँ नेवाःतनँ विभिन्न पार्टिया उम्मेदवार जुयाच्वन्गु दु।

लोमंका दीमते न्हाँ, छिगु भोट् झी नेवाः उम्मेदवारयात बियतः। नेरापाया उम्मेदवारयात। नेरापाया उम्मेदवार मदुथाय योग्यम्ह नेवाः उम्मेदवारयात। छि नेपाले दुसा, छिगु भोट् नेवाः उम्मेदवारयात। छि नेपाले मदुसा, छिकपिनि, परिवार, थःथिति, पासा पिन्तः हःपाः बियादिसँ, Vote for NRP candidate or Newah of another party, if you want to save your native land, Nepal! अले, छिनँ छम्ह नेवाःखःसे, स्वतन्त्र वा मे”गु पार्टिँ गनँ दना दिया च्वंगु, अयनं, थःसिबे नेरापाया उम्मेदवार वा मेम्ह योग्यम्हयात त्याकल धासा छि याकचित जक मखु, सकल नेवाःतेतः बाँलाइ धैगु बिचायायफुसा, त्याकेफइथेँ च्वम्ह नेवाः उम्मेदवारया लागि छिगु उम्मेदवार तोता दिसँ।

झी नेवाः नेवाः हे जुइ। नेवाःतेसँ सिबे मेपिसँ नेवातेतः त्याकेबी मखु। छिगु भोट पिनेयापिन्तः मखुसे, झी नेवाः उम्मेदवारयातः बीमाः। बिचायानादिसँ बाँलाक्क, मखुसा लिपा पश्चाताप जुयादीमते न्हाँ, झीसँला होस तैदिसँ न्हाँ जक धायफु।
– झी “दनेवाः”
छिगु प्रतिकृया दुसा क्वसँ च्वगु “Comment” ते दुने च्वया दिसँ।

2 thoughts on “Vote to save your native land, Nepal!”

  1. प्रदीप नेपालँ नन-नेवार तयु भोट दक्वँ अनत वई धाया धईदिल खनि। प्रदीप नेपालँ ब्रम्हु तयु भोट द वई धासाँ ठिक खनिदईगु। तर, नन‍-नेवार तयु भोट दक्वँ अनत वनी धईदिल खनी। थुकेयागु मतलब छु? छु नेवात्यत गैर-नेवा त्यस मयकः धायेगु मखुला? प्रदीप नेपालँ प्रकाश मान त बुकि त थ्व खँलासा, छु नेवा तयेगु अपमान मजुला? नेवा पासापिँस अनयु पुत्ला च्याकगु खँ न: अनत सिकहे तँ प्याँवगु खः ला?

    पासा

  2. Suresh (सुरेश)

    छिगु कुत:यात यक्को यक्को सुभाय् वियाच्वना नापं छिगु जानकारी दुमथ्या:गु खं तनेत्यना । सकसिनं मनन् याना काइगु भलसा कया ।

    प्रत्यक्ष उम्मेदवारया हकय् नेपा: राष्ट्रिय पार्टी (नेरापा) या उम्मेदवार दुथाय् नेरापाया उम्मेदवारयात भोट विया त्याकेगु मदुथाय् थम्हं स्वया नेवा भावनां जा:म्ह नेवा: उम्मेदवारयात त्याके मा:थें ता: । समानुपातिक उम्मेदवारयात भोट बीगुली छुं हे बिचा: यायेम्वायेक नेपा: राष्ट्रिय पार्टी (नेरापा) या चिं खड् ग चिन्हय् छाप तया नेपा: राष्ट्रिय पार्टी (नेरापा) यात यक्को यक्को भोट वीत इनाप याना ।

Leave a Comment

Your email address will not be published. Required fields are marked *