Finally One NRP member to represent at the Constituent Assembly

भाग्यँ छम्ह नेरापाया दुजः संविधान सभाय् दुथ्याइगु

नेपाल संवत ११२८ वछलाथ्व ३ (तृतिया) शुक्रवाः
नेपाः राष्ट्रीय पार्टिया ६ (खु) म्ह उम्मेदवारते दुने छम्हेसिनंहे त्याके मफूगु झीसकसिगु अभाग्य खः। अयनँ, समानुपातिक् मतदान कथँ, नेपाः देसभरी नेरापायात प्राप्तजूगु मत ३५८८० दु (थउँ, ४ चतुर्थि शनिवाःया अपडेट् अनुसार नेरापायात प्राप्तजूगु मत ३६३२४ थ्यँगु दु)। निर्वाचन आयोगया नियम अनुसार ३१००० मत प्राप्तजूगु पार्टिया प्रतिनिधियात संविधान सभाय् प्रतिनिधि जुये फैगु नियम अनुसार, नेरापाया दकले न्हापाँगु मौका थ्वहे जूवःगुदु। थुकीया अर्थ कमसेकम् नेरापाया छम्ह प्रतिनिधि संविधान सभाया सदस्य जुइफैगु मौका प्राप्त जुल धैगु खः।खःजा नेरापाँ सुयातः संविधान सभाय् प्रतिनिधियाना छ्वइगुला स्वयहे बाकिदनि। अयनँ, झी दनेवाः परिवारया बिचाकथँला, नेरापाया दुजःते दथुइ दकले अप्बः मत प्राप्त यानाकाम्ह नरेश वीर शाक्य भाजुयात हे संविधान सभाय नेवाःतेगु नायःया हिसाबँ छोयदुसा ज्यूथेँताः। अयनँ, नरेशजु धाःसा नेवाः पासापिन्तः स्वापुतये अल्सिचाइपिँ दथुइ नंबर वन् जुयाच्वंगुलिँ भचा धन्दा।