Vajracharya declares candidacy for Treasurer at NRN Japan

एनआरएन जपानया कोषाध्यक्ष पदे सुवन् वज्राचार्यया उम्मेदवारिता

गैर आवासीय नेपाली संघ (एनआरएन) जपानया मे ४ तारिके तोःक्योः मेगुरोकु सिटी हःले जुइगु राष्ट्रीय अधिवेशन् व न्हूगु कार्य समितिया निर्वाचनय् , सुवन् वज्राचार्य भाजुँ कोषाध्यक्षया पदे दनेगु घोषणा यानादीगु दु। वयकःनं पिकानादीगु प्रेस विज्ञप्तिइ धयादीगु दु, (एनआरएन) जपानया हनेबहपिँ सकल पासापिँन्तः दुनुगलँनिसेँ ज्वःजलपा । वइगु मे ४ तारिक आइतवाः झी सकसिगु उत्साहजनक सहभागिताय् जुइत्यंगु एनआरएन जपानया निकःगु राष्ट्रीय अधिवेशने ल्यइगु न्हूगु कार्यसमितिया कोषाध्यक्ष पदे जि सुवन् वज्राचार्यया उम्मेदवारी घोषणा थ्वहे प्रेस विज्ञप्तिँ औपचारिक याना च्वना।

मचाबले निसेँहे देसँ पिने हुर्के जूसाँ नेपाःमाँ, माँया सपुत काय् म्ह्याय् जिमि पासापिँ प्रति दूगु माया लोमंके मफुम्हँ छम्ह सपुत नेपाःमि जि, आःयागु भासँ धाःसा मचाबलेनिसेँयाम्हँ एनआरएन् । जिगु नाँ गुलिसितः “सुवर्ण” गुलिसितः “सुवन्” धका तायदु खनी। निम्हँ जिहे खः।

सन् १९९० या युवाबले जपान आगमन। International University of Japan या Graduate School of International Relations से अध्ययन। अनँलिपा, International Herald Tribune, Tokyo अफिसे ५ (न्या) दँया पत्रकारिता, तोःक्योः वाको विश्व विद्यालय, श्यूमे विश्व विद्यालय, कगवा महिला विश्व विद्यालये १२ (झिंनि) दँया अध्यापन, आः तोःक्योःया IRI (Investor Relations International) Inc. या डाइरेक्टरया ज्याक्वब्यूसे, जपानया मुख्य कम्पनिइ विदेसी लगानि दुतहेगु ज्याया प्रचार प्रसार कन्सेल्टन्सिइ संलग्न जुया दूगु अनुभवयातः प्रयोग याना, जपानवासी नेपाःमि पासापिनिगु धनार्जन द्वारा नेपालया आर्थिक विकासयात सहयोग यायेफइगु ज्याया लागी “लगानि कोष (Investment Fund)“ व जपानवासी नेपाःमितेतः आकस्मिक दुखयातः साथ बिये फइगु “आकस्मिक कोष (Emergency Fund)” या पलिस्था याना एनआरएन जपानयातः सफल यायेगु बिचाः याना च्वना। मे ४ या एनआरएन अधिवेशन् या न्हूगु कार्यसमितिया निर्वाचने कोषाध्यक्ष पदे सुवन् वज्राचार्य भाजु दनीगुलिँ, एनआरएन जपानया हनेबहःपिँ पासापिनिगु मूवंगु भोट् प्राप्त जुइगु भलासा दु धका विज्ञप्तिइ धायातःगु दु। लुमंके बहजू, वयकः जपाने नेपाःया सामाजिक, सांस्कृतिक् ख्यले नाँतयादीम्ह छम्ह नेवा खः।नेवाः अन्तर्राष्ट्रीय फोरम जपानया निवर्तमान महा सचिव, एनआइएफजे न्यूजलेटरया संस्थापक सम्पादक खः।

The Newah परिवारया पाखेँनँ जपानवासी सकल नेपाःमि पासापिन्तः दुनुगलँ इनाप याना च्वनाकि, झीगु सः दुथ्याकेफुम्ह छम्ह सबलम्ह पासा एनआरएन् जपानेनं दुत छोयेदुसा बाँलाइ। उकेँ छिकपिनिगु भोटँ तःधंगुहे गुहालि जुयेफु। छिगु मूवंगु भोट् झी सुवन् वज्राचार्य भाजुयातः बियादिसँ।
– झी The Newah

0 thoughts on “Vajracharya declares candidacy for Treasurer at NRN Japan”

darasha
May 2, 2008 at 02:52

NRN धयागु NON RESIDENT NEWAH जूसा गथेजुइ ? NON-RESIDENT-NEPALI धायेगु आपत्ति जनक खः। उकेँ व्यापक् रूपँ बिचायायेगु खःसा NON-RESIDENT NEPALESE जुइमाः नेपाली मखु। थ्वला लँ सुरुवाः न्ह्यानाँ ‘TIE” घायेथेँ जुल। नेपाले वया च्वन्गु ह्यूपाःनं लिपा NRN मदेका छोयेफु। थ्व अभियान या रहस्य प्रकाशये मवःनि।
– darasha

Govinda
May 2, 2008 at 05:57

सर्व प्रथम छितः यक्को अग्रीम बढाइ दु। अले छितः जिगु जक मखुसे, थन जपाने च्वँपिँ दक्व नेवाः NRN तेगु पाखेँ 100% गुहालि दु।
झीगु नेवाः पुचः (जपान)या प्रतिनिधिजुया NRN जपाने झाइदीगु व अले NRN जपाने नेवाःतेगु छगु तःधंगु कमिटि देःकादी धकाः आसा व विस्वास कया च्वना।
अले नेवाःतेगुनं थकालितेःगु पुचःथेँ, तमुधी पुचःथैँ अथेहे मेमेपिनिगु पुचःथेँ आयक्टिव् जुया अज्ज प्रगति जुयावनी धकाःनँ बिचाः यानाच्वनागु दु। यक्को यक्को बढाइ दु।
– गोविन्द

Tshering
May 2, 2008 at 07:24

Congratulation Suwan dai,

Tshering T. Sherpa
KTM

BALBAJ
May 2, 2008 at 15:14

CONGRATS
PERHAPS WE MET IN PHOENIX CONF

Suresh (सुरेश)
May 3, 2008 at 06:38

Thanks for information and wish for all success.

Request to all Nepalese personnels to vote Bhaju Suwarn ju to elect as Treasurer of NRN Japan.

Wish you all the best

Suresh

sihon
May 3, 2008 at 21:58

がんばって！スワン・ダイ！！
応援してます。

しほん（連続無窮の会）

सुरेश भक्त
May 4, 2008 at 05:49

सुभाय। लोकतन्त्र ब्लग न स्वया: दिसँ।

Rajan Vilas Vajracharya
May 6, 2008 at 11:27

がんばって！スワン・ダイ！！
Congra sensai Happy to hear good news

Rajan

0 thoughts on “Vajracharya declares candidacy for Treasurer at NRN Japan”

Leave a Comment Cancel Reply