Buddha Saymi Nominated First NRP Lawmaker in Nepal

बुद्ध सायमि भाजु नेरापाया दकले न्हापाँम्ह संसदया रूपे मनोनित

संविधान सभाय् नेपा: राष्ट्रीय पार्टि या दकले न्हापाँम्ह संसदया रूपे, पार्टिया छम्ह थकालिम्ह दुजः बुद्ध सायमि (बुद्धरत्न मानन्धर) भाजु यात मनोनयन या:गु दु। झी The Newah यातः नेरापाया उपाध्यक्ष डा रमेश कुमार श्रेष्ठ भाजुँ छोया हैदीगु ईमेलकथँ, नेरापाया केन्द्रीय बैठकया सर्वसम्मतिँ बुद्ध सायमि भाजुया नाँ पार्टिया मनोनित प्रतिनिधिया रूपे सिफारिस याना छोयेगु निर्णय यागु दु। ६३उमेर दुम्ह थकालिम्ह सायमि भाजुँ नेपाःदेः दुनेया मुक्कँ जिल्लाय् च्वपिँ सकल नेवाःतेगु मंतुना पुरेयाफइ धैगु अपेक्षा दु धैगु खँ ईमेले दुथ्याकातःगु दु।

नापँ नेरापाया दुजः सुरेश प्रधान भाजुँ छोयाहैदीगु ईमेलकथँ, नेपा: राष्ट्रीय पार्टिपाखें संविधान सभाय् प्रतिनिधित्व यायेफुपिं धका ७२ म्ह उम्मेदवार पिनिगु नाँ निर्वाचन आयोगय् छ्वःगु खः, वयेकःपिं सकलें सक्षम व सवलपिं हे खः थुकी छुं हे कथंया द्विविधा मदु धकाः धयादीसे, नेपा: राष्ट्रीय पार्टियात वःगु मत (भोट) या आधारं छम्हेसितजक प्रतिनिधित्व याके फइगु परिस्थितिया हुनिं नेपा: राष्ट्रीय प्रतिनिधिया रूपे, नेपालभास ख्यःया नांजा:म्ह कवि नापं योद्धा सायमि भाजुयात पार्टिया केन्द्रीय समितिया मूंज्याय् बृह्त्तर सहलह ब्याकालि थीथी कथंया मापदण्डया आधारकया मनोनयन् यागु खँ न्ह्यथना तःगु दु।

बुद्ध सायमि भाजु ने.सं. १०८५ (वि.सं.२०२२) सालँनिसे नेपाल भास आन्दोलनय् सक्रीय कार्यकर्ता खःसा, अनँलिपाजूगु भासिक, लोकतान्त्रिक आन्दोलनय् सक्रीयरूपँ ब्वतिकया वयाच्वन्गु दु। साहित्यया लागी राष्ट्रीय प्रतिभा पुरस्कारँ सम्मानित जुयादीम्हँ वयकलँ नेपाल भासया कविता सफू स्वंगू पिकयादीगु दु। सन्ध्या टाइम्सया बुखँकथँ, वयकलँ, सँविधान सभाय् वनाः जातीय स्वशासनय् आधारित संघीय लोकतान्त्रिक गणतन्त्रात्मक् संविधान च्वकेगु लागी थःगु सम्पूर्ण शक्तिँ कुतः यायेगु बचँ बियादीगु दु। नापँ, नेरापाया पाखेँ मनोनित जूम्ह संसदँ, थःत वइगु सम्पूर्ण तलब, सुविधा व भत्ता पार्टियातः लःल्हाना संसदया पारिश्रमिक किटान यायेगु निर्णय याःगु खँ नं बुखँय् दुथ्या। थथे, संविधान सभाय् मनोनित् जुयादीम्ह, झी बुद्ध सायमि भाजुयातः दकले न्हापाँ नेपाल मण्डल आदिवासी झी नेवाः जाति, संस्कृति व नेपाल भासया उत्थान व संरक्षण याइगु , अले नेपाःमि सकसितँ समान अधिकार दइगु न्हू नेपाः निर्माणया संरचना जुइगु संविधान च्वयकेतः ६००म्ह विभिन्न जन समूहया प्रतिनिधित लिसे माथाय् मिलेजुया, माथाय् संघर्ष यायफैगु शक्ति दयेमा धका, झी The Newah परिवारया पाखेँ दुनुगलँनिसेँ भिन्तुना देछाना च्वना।
– झी The Newah

छिगु कमेन्ट् छकः जक च्वयादीसा गाः।प्रकाशन् जुइतः छूँ भचा समय कायेफु।

1 thought on “Buddha Saymi Nominated First NRP Lawmaker in Nepal”

  1. दकले न्हापाँ,
    हनेबहम्ह बुद्ध सायमि दाइ/गुरुयात यक्को यक्को भिन्तुना! नापँ नेपाः राष्ट्रीय पार्टिया उचित् मुल्याँकन् व सहलहया सुथाँलागु दसूया नितिँनं।
    न्ह्येयेगु लँपु ताःहाकःनि
    पला द्वनीनं मखु चित्त छिगुनं
    संकल्प स्वशासनया जिमिगुसःनं
    बुद्ध छिगु शान्तिहे खः आयनं
    खंगुदु लँ, चेत्नाया जः मखँनि
    दृद्धताया स्वाँ छितः, लँ ताःहाकःनि
    दुनुगलँनिसेँ भिन्तुना छितः
    सकलसिया नेवाः सः देःसे छायपीतः
    – नुगःसः
    PS:
    I hope I won’t be the last to congratulate the wise decision of NRP and the deserving candidate. It is now that we all must come together all the more to support and show solidarity to the Newah voice at the CA. All the best!

Leave a Comment

Your email address will not be published. Required fields are marked *