Protests against Nepal Government for curtailing the Funds for National Traditions

NEWS
Newah Jagaran Manch Japan(NJMJ) , the newly formed 1st foreign branch of Nepal’s Newah vigilant forum, Newah Jagaran Manch, has protested against the unilateral curtail of funds for Nepal’s nationally important cultural festivals like Indra Jatra (Rain-god chariot) in the capital Kathmandu.. In a press release issued by the NJMJ, it has said that the government decision sparked off street protests and faced opposition from lawmakers and almost all political and non-political organizations. Although the problem healed down for a while with the withdrawal of the decision by the government at the agreement between the government and Newah organizations, the NJMJ has warned the government not take unwarranted decisions on matters pertaining to nation’s traditions, that the indigenous Newah community of Nepal so attached to or of any other community’s.

MORE IN NEPAL BHASA
Newah Jagaran Manch Japan

नेपाःया राष्ट्रीय सांस्कृतिक नखःयात बिईगु खर्च कटौत यागु बारे नेवाः जागरण मञ्च जपानया विरोध

नेपाल संवत ११२८ यँलागा (आश्विनकृष्ण) ३०
न्हूँ नेपाः निर्माणया लागि स्वन धाःगु माओवादी नेतृत्वाय न्हूँ सरकारँ ईन्द्रजात्रा थेँ जाःगु नेपाःया अति विशिष्ट राष्ट्रीय नखः पुलाँगु नेवाः सांस्कृतिक नखःया लागी बिईगु सरकारी खर्च कटौत यागु गुगुँ प्रयास खः, उकियातः नेवा: जागरण मन्च जपानँ घोर भ्रत्सना यागु दु।

मञ्चया नायः सुनिल कुमार शाक्यँ छगु प्रेस बक्तव्य पिकासे, बजेतया खर्च कटौति यायेगु नामे याःगु सरकारया थ्व हठात व अविवेकी निर्णयया हुनिं नेपाःया आदिवासी जाति नेवाः जातिया भावनाय् तःदंगु असर परे जूगु दु, गुकिँ याना सकल नेवाः जाति आन्दोलित जुइमाःल धकाः धयाःतःगु दु। थुकेँ नेवाः जातिया भावनायातः जक तिरस्कार याःगु मखुसे, नेवाः जातिया अधिकार धमाधम हनन जूगु महसुस जुगु दु। । सरकारँ पुलाँगु नेवाः संस्कृतियातः अतिक्रमण व अधिकार हननया विरुद्ध सकल नेवाः जाति छप्पँ जुया गूगु विशाल विरोध प्रदर्शन यात, उकेँ आवँलि नेवाः जातिया हकहित हनन यायेगु स्वल धाःसा सकल नेवा: जाति चुप जुया च्वनीमखु धैगु खँ सपष्ट याना क्यंगु दु।

विरोध प्रदर्शनं आत्तेजुया सरकारँ थःगु अविवेकी निर्णययातः सचेयासाँ तबि थुकीँ नेवाः जातिया संस्कृति जक मखुसे अधिकारयाहे अतिक्रमण जूगु महसुस जूगु दु। नेपाः सरकार व नेवाः जातिया दथुइ गुगुनं झिगु बुंदेया सम्झौता जुल, उकियातः फयांफछि याकनं सिबे याकनं ऊगु माग पुरा यायेतः जोड्दार् माग यागु दु। नापँ गुगुनं जाती वा धार्मिक भावना नापँ स्वाःगु विषययात कया निर्णय यायेबले उकीया दूरगामी प्रभाव या बारे बाँलाक बिचायाना जक निर्णय यायेतः नेपाल सरकार याके नेवा: जागरण मन्च जपान जोड दार माग यागु दु।

नेवाः आन्दोलनया झ्वले नेवा: जागरण मञ्च, नेवा: मुक्तिमोर्चा, नेपाल भाषा मंकाखल:, नेपाल भाषा मिसाखल:, नेवा: देय् दबू, थीथी पार्टित – नेपाली कांग्रेस, नेकपा एमाले, नेपा:राष्ट्रीय पार्टि, नेपाल मजदुर किसान पार्टिया नेवाः नापँ मेमेपिँ नेपाःमि नेतातेगु पाखेँ नेपाःमि नागरीकया छगु अखण्ड जाति नेवाः जातिया पुलाँगु सांस्कृतिक परम्परायात न्हूँ सरकारँ यागु उपेक्षा यातः विरोध गूगु याना दिल, उकियातः नेवा: जागरण मन्च जपान दुनुगलँनिसें सुभाय् देछागु दु।

न्हूँ सरकारया अदूरदर्शी निर्णयनं याना दनेमागु नेवाः विरोध प्रदर्शनया झ्वले टोड्फोड्या घटना गुगुकथँ जुल, उकीयातनं नेवा:जागरण मन्च जपान भ्रत्सना यागु दु।

छगु वर्गया अन्याय अत्याचार विरुद्ध दंगु नेपाःमि जनता छगु वर्ग, छगु समूह जक मखुसे, नेपाःया सकल आदिवासी, जनजाति पतिँ दुथ्याःगु सकल नेपाःमित खः। न्हूँ स्वंगु वा भविष्ये स्वनीगु सरकारँ नेपाःमिया भास, संस्कृतिया संरक्षण नापँ उत्थान याना नेपाःयातः शान्तिपूर्ण देशे परिणत याये फयेमा धकानं थ्वहे नापँ भीँतुना च्वना धका बक्तव्ये धयाःतःगु दु।