United we, awakened we, the Newah stand for a better Nepal

“Nepalese society is a unity in diversity. United we, awakened we, the Newah community with other communities of Nepal, we all be blessed on this auspicious day to strengthen our unity to build a new Nepal fair for all of our brothers and sisters”, says a message at the Vijayadasami and Mohani, (two names for the same celebration of) a major festival in Nepal to exchange messages of good health, happiness and prosperity, held in Tokyo yesterday by the Nepalese residents in Japan. More in Nepal Bhasa.

Vijayadasami Mohani celebration held in Tokyo on 13th October 2008

झी मुनेनु नेवाः जागरण हयेनु-नेवा: जागरण मञ्च जपानया ग्वसाले मोहनि नखः हन।

नेपाल संवत ११२८ कउलाथ्व १५ कतिँपुन्हि
नेपाःया छगु तःधँगु नखः मोहनी नखः, अशोक जुजुँ शष्त्र त्यागयाना अहिंसाया विजय लुमंकेगु न्हि विजया दशमीया लसताय् नेवा: जागरण मञ्च जपानया ग्वसाले “झी मुनेनु नेवाः जागरण हयेनु” धइगु नाराय् जपानवासी नेपाःमिपिँ सकलेँ मुना थीथी साँस्कृतिक ज्याझ्व नापँ म्हिगः ओक्टोबर १३ तरिके तोःक्योःया नेपाल रेस्टुराँ मन्डलाया सभाहले तःजिक हन।

ऊगु ज्याझ्वः नेवा: जागरण मञ्च जपानया सल्लाहकार, बहुजातीय समाज विशेषज्ञ एवं मानव अधिकारकर्मि सुवन् वज्राचार्यया भिन्तुना हसनायातः मञ्चया नायः सुनिल कुमार शाक्यँ ब्वनाँ न्यनकेधुन्का सुरुजूगु खः। हसनाय् धइतःगु दु, “न्हूगु नेपाःया दकले न्हापाँगु मोहनिया नखलँ झी नेपाःमि छगु जातिँ मेगु जातिया संरक्षण व उत्थाने सहयोग याये फयेमा। झीगु थीथीया छधीया विशेषतायातः झी सकसिया सुख व संवृद्धिया शान्ति मार्गे परिवर्तन याय् फयेमा”। अनँ लिपा, थःगु भिन्तुना न्वचू बिसे शाक्यँ, नेवा: जागरण मञ्च जपान व ज्याझ्वःया उद्देष्यया बारे नवाना दिल। मञ्चया ग्वसाले जुइगु भेटघाट एवं मनोरञ्जनात्मक ज्याझ्वलँ जपानवासी नेपाःमिते दथुइ थवँथः लिसे मैत्री भावयात तःजिकेगु व ज्याझ्वलँ दुहाँवइगु रकम नेपाःया रोजगारी समस्या समाधानयायेतः संचालित रोजगार प्रशिक्षणे लगानि यायेगु उद्देष्य कनादिसे, आतक्क आर्थिक सहयोग बियादीपिँ जपानवासी नेपाःमि पासापिन्त कृतज्ञता देछाना दिल। नापँ इच्छादुपिँ पासपिन्तःनं सहयोग यानादियेतः इनाप यानादिसे, आः वइगु मन्सीर एक गते निसेँ येँ, हाउस् वाएरिङ प्रशिक्षण कक्षा सन्चालन जुइगु खँ व उकीया सम्बन्ध विस्तृत जानकारीया लागि नेवा: जागरण मञ्च, येँ (४२६१६६३) स्वापू तया दियेतः इनाप याना दिल। नापँ नेपाले कोशिइ खुसि बाः वया पीडित जूपिनि सहयोगार्थ आवइगु नोवेम्बर ९ तारिक आइतवाः कुन्हु नेवाः जागरण मञ्च जपानँ तोःक्योः शहरे साँस्कृतिक ज्याझ्वः न्ह्याकेगु खँया जानकारीनँ बिया दिल।

विजया दशंमी मोहनी नखःया लसताय् भिन्तुना बियेगु झ्वःले, नवाना दिसे, गणतान्त्रिक मोर्चा जपानया विशेष सल्लाहकार अरुण कुमार श्रेष्ठँ नेपाली भासया नापनापँ नेपालभासयातनं जपाने प्रचार प्रसार यायेदुसा तस्कँ बाँलाइ धका थःगु मन्तब्य तइदिल।

विजयादशमी मोहनीया भिन्तुना आदान प्रदान यायेगु झ्वःले, जनक राज शाक्यँ थःगु रचनाया म्ये “रिमाझिम पानीमा” हाला सकसितँ न्ह्याइपुईका बिल। नापँ उपेश श्रेष्ठ, स्याम तन्डुकार, प्रेम तन्डुकार, सुनिल कुमार शाक्य, सुमित्रा शाक्य, नेकी शाक्य पिबिगु म्येँ सकसितँ मनमोहक यानाबिल। नापँ, नेवा: परिकार सहित डान्स ज्याझ्वःलँ विजया दशमी मोहनि भेलाया रौनक तःजी याना बिल।

छिगु कमेन्ट्स् थन क्वसँ च्वयादिसँ।

Leave a Comment

Your email address will not be published. Required fields are marked *