Indigenous Nepalese meet in Tokyo

Indigenous Nepalese resident in Tokyo and its suburbs met for the first time on Sunday 12th October at Ikegami city hall and decided to form an active association to promote indigenous peoples’ rights and progress of the community. The meet attended by members of several Nepalese diverse communities and representatives from ethnic Nepalese associations active in Japan such as Sherpa Sangha, Tamudhee, Magar Sewa Samiti, Thakali Sewa Samiti, Newah Jagaran Manch, and Newah International Forum. More in Nepal Bhasa.

तोःक्योः शहरे आदिवासी जनजाति भेला सम्पन्न

नेपाल संवत ११२८ कउलागा १ (प्रतिपदा) बुधवाः
तोःक्योः शहरवासी नेपाल आदिवासी जनजातितेगु न्हापाँगु भेला इकेगामी सिटि हःले सम्पन्न जूगु दु। थ्व भेलाँ थःगु हक, हित, अधिकार नापँ उन्नती व प्रगतिया लागि संगठित जुया एकजुट जुयावनेगु छगु सक्रिय संघ दयेकेगु निर्णय याःगु दु।

थुकीया लागि, भेलाँ सोनाम शेर्पाया संयोजकत्वय् तदर्थ समितिनँ गठनयाःगु दु। कार्य संचालन सुचारुकथँ यानायंकेतः उप समिति गठन जूगु दु, गुगुकथँ डा. दिनेश मानन्धरया संयोजकत्वय् विधान मस्यौदा निमार्ण उपसमिति, जोन छन्त्यालया संयोजकत्वय् प्रचार प्रसार उपसमिति, ध्रुव भट्टचनया संयोजकत्वय् अर्थ संकलन उपसमिति, गठन जूगु दु। तदर्थ समितिया उप संयोजक सुवन् वज्राचार्यया कथँ आःवइगु २००९ जनवरी ११ तारिक कुन्हु न्हाँपांगु महाअधिवेशन जुइगु दु।

भेलाय् प्राप्त जूगु मतया आधारे संघया नाँ, “नेपाली आदिवासी जनजाति महासंघ जापान” होम पेज URL “janajatijapan.org” तयेगु निर्णय यागु दु। भेलाय् प्रारम्भिक कार्य संचालन यायेतः १७५,०००येन चन्दा संकलन जूगु दुसा, दिनेश लिक्विरया प्रोप्राइटर दिनेश गुरुङँ ब्वतिकापिँ सकसितँ त्वनेगु लः निशुल्क व्यवस्था याना दीगु खः।

थूगु भेलाय् सुवन् वज्राचार्य, दिनेश गुरुङ, पासाङ शेर्पा, ध्रुव भट्टचन, हवलचन्द्र लामा, जोन छन्त्याल, देवी इङ्नाम व महेश कुमार श्रेष्ठँ आदिवासी जनजातिया समस्या, अवस्था, हक, हित व अधिकारया वारे सम्वोधन यानादीगु खः। थ्व ज्याझ्व, सुकुमान थिङ तामाङ व ओम गुरुङँ न्ह्याकाःदीगु खः।