Poet Chittadhar’s statue erected at Kalimati

Chittadhar Chuka, Kathmandu, Nepal Mandala – Prime Minister Pushpa Kamal Dahal “Prachanda” unveiled a life-size statue of Nepal Bhasa poet Chittadhar Hridaya at Kalimati intersection in downtown Kathmandu Saturday. The statue has been erected in a small garden at the roundabout and faces west. On the occasion, the intersection was also renamed Chittadhar Chuka in honour of the poet, who dedicated his life, faced imprisonments during repression and even donated his property for the promotion of his mother tongue, the Nepal Bhasa. He is known to be the single most influential personality in Nepal Bhasa in modern times. More in Nepal Bhasa.

The statue of Poet Chittadhar Hridaya unveiled by Prime Minister Pushpa Kamal Dahal "Prachanda" at Kalimati Chuka, Kathmandu

झी नेपाल भास कवि केसरी चित्तधर ह्रदयया सालिक थन
नेपाल संवत ११२९ कछलाथ्व ११ (एकादशी) आइतवाः

चित्तधर चुक, येँ, नेपाल मण्डल – झीगु माँमाय् नेपाल भास व साहित्ये दकले ताहाकःगु चिनाखँ “सुगत सौरभ” च्वयादिया नाँ जाम्ह, नापँ आपालँ चिनाखँ, बाखँ, च्वया झीगु भास व साहित्ययातः तःधँगु योगदान बियादीम्ह कवि केसरी चित्तधर ह्रदय (सन् १९०६-१९८२) यागु योगदानयात सम्मान यासे वयकःया झ्वाता (सालिक) प्रधान मन्त्रि पुष्प कमल दहाल प्रचन्डँ म्हिगः सुथय् कालिमाति चुके उलादीगु थ्व बुखँ नेपाःदे व विदेसे च्वनाच्वँपि झी नेवाःतेगु लागी छगु तःधँगु लसताया खँ खः।

झी चित्तधरजुया थ्व झ्वाता दयेकेत जूगु खर्च ९,३२,००० तकाया दाँ, वयकःया भिंचा केशरी लक्ष्मी मानन्धर मयजु व येँ महानगरपालिकाँ तयादीगु खःसा, झ्वाता निर्माण समिति, नेपाःया माराथन तारा बैकुन्ठ मानन्धर भाजुया अध्यक्षताय् स्वंगु खः। लुमंके बहजू, सन् १९९२ (झिंगुसः व गुइनिदेँ), नँ नेपाल सरकारँ झी चित्तधरजुयागु किपा दूगु हुलाक टिकट दयेका वयकःयात सम्मान याना बिल।

The gathering at the unveiling statue of Poet Chittadhar Hridaya by Prime Minister Pushpa Kamal Dahal "Prachanda" on 8 Nov. 08 at Kalimati Chuka, Kathmandu.

नेपाल भास साहित्य उत्थानया आन्दोलने दकले न्ह्यनेलाःगु धिसिलाःगु पला ल्ह्वना थःगु माँभासया लागि ज्यासनादीम्ह कवि चित्तधर ह्रदययात राणा, शाहकालिन शासकतेसँ आपालँ दुख बिल। सन् १९४१ (झिंगुसः व पीछदेँ), “माँ” धैगु शीर्षके नेपाल भासँ कविता च्वल धका ६ (खु)दँ तक्क जेःले थुनाबिल। जेःले च्वच्वँहे वयेकलँ “सुगत सौरभ” धैगु बुद्ध गुण वर्णनाया ताहाः चिनाखँ च्वया दिल। न्हिथँ जा ज्वना वनीम्ह केहेँ मयजुँ व चिनाखँया पाना छपाः निपाः याना पितहया लिपा प्रकाशने हया दिल।

झी कविकेसरि चित्तधरँ नेपालभास साहित्ययात न्हूगु तत्व दुथ्याका दिसे, न्हूगु पहः स्वानादिल। भासया उत्थानयात संगठित योगदानया आवश्यकता खंकादिसे, नेवाःपासापिँनापँ सन् १९५१ (झिंगुसः व न्येःछदेँ), नेपाल भास परिषद पलिस्था याना दिल। झीगु भाय् नेपाल भास व साहित्यया उत्थानयालागी चिनाखँ, बाखँ च्वया यानादीगु योगदान जक मखुसे, थःगु छेँ बुँ सम्पत्ति नापँ भासया लागी त्याग यानादिल। थ्व थउँया समाजे नेपाल भासया लागी तस्कँहे च्वछाये बहगु सेवा व योगदान खः। वयकलँ च्वयादीगु चिनाखँ, बाखँ गुलि स्वयेफत धाःसा उलिहे झीगु भासयातः वयकःयागु गुलि योगदान दु धइगु सीइके फइ। “सुगत सौरभ” छगुला झी सकसिनँ मस्वःसे हे मज्यूगु ताहा चिनाखँ खः। -The Newah

Sagar Man Bajracharya and Kamal Tuladhar contributed to this article and provided the photos.
छिगु कमेन्ट् थन क्वसँ च्वयादिसँ।

8 thoughts on “Poet Chittadhar’s statue erected at Kalimati”

  1. प्रचन्ड व माओवादी पासापिन्तः धन्यवाद। सालिकयागु निर्माण यानादिपीँ कालमाटीवासी पासापिन्तःनँ धन्यवाद।
    – सुरेस

  2. नेपाल मण्डले छसीकथँ थथेहे नेपाल भास ख्येले योगदान् बियादीपिनिगु झ्वाता दनाँ वइतिनि धका आसा व भलसा कया च्वना। ग्वसाःखलःयातः यक्व यक्व सुभाय् !
    – दरशा

  3. यें देयया मू सतकय् नेपालभासाया कविया झ्वाता धस्वाके फुगु यक्को च्वछाये बहजू । माओवादी, कालिमाटी बासी, नेपालभासा परिषद लगायत सकल सहभागि पिन्त सुभाय् ।

    आ: रत्न पार्कय् नं सिद्दि दास या झ्वाता तयेद:सा ज्यू । सुभाय् ।

  4. Buddhilal Maharjan

    कवि (चित्तधर हृदय) या झ्वाता उलेज्या न्येने दया नुगलय् लसताँ भय् भय् बिल। कविया झ्वाता थेँ वयकःया समकालीन साहित्यकःमिपिनिगु नाँ स्वनिगःया ल्यँदनिगु दोपताय् तयेगु आजु नेवाःतेसँ यायेमाल। सुभाय् !
    – बुद्धि लाल महर्जन (ज्यापु)

  5. सुभाय् सकल: ग्वाहालीमी भाजु-मयजु पिन्त । रत्नपार्कय् सिद्दिदासया झ्वाता तयेगु विचा नं तसकं हे बांला ।

    सुभाय्
    हेमन्त चित्रकार

  6. ज्वःजलपा !
    नेपाल सम्वतयात राष्ट्रीय मान्यता दये धुंकल । थ्व सम्वतयात छ्येलेगु झीगु नं दायित्व ख: । व्यवहारिक नं जुइगु मौलिकता नं ल्यंका तयेया निंतिं क्वय् न्ह्यथना कथं नेपाल सम्वत छ्यले फइ ।
    ११ नोभेम्बर, ११२९ ने.सं.
    सुभाय्, दिपक तुलाधर

  7. Binod Saymi(Aala)

    ज्वःजलपा!
    नेपाल मणडले नेवाः थाँपिनिगु सालिक स्वय् दयाः सकल नेपाःमिपिनि लसता वःगु दयेमाः। नेपाल मण्डल नेवाःलागा खः धइगु थुइकेतःनं नेवाः न्ह्यलुवाःतेगु सालिक थन दयेहेमाः। न्हापाला थथे याकेहे मब्यू। बिहे ब्यूसानं ध्याकुँचाय् जक। धर्मादित्य धर्माचार्यया सालिक मावँसा पुल्चुके (पुल्चोःके) थःहे तनी बरु धर्मादित्यया सालिक लुइमखुथेँ च्वँ। धर्मादित्यया सालिक तयेगु गनँ चकँगु थाय् मदुला?

  8. दिपक भाजु,
    सुभाय, छिगु खँय् जिगुनं सहमती दु। झीसँ नेपाल संवत छेलेमाः।
    सुरेश
    टोक्यो
    १३ नोभेम्बर, ११२९

Leave a Comment

Your email address will not be published. Required fields are marked *