A heartfelt personal gratitude, we would like to express from the bottom of our heart to our pasapin for extending your condolences of kind words through The Newah blog, local and international calls, emails and even advertisements on newspapers in honour of our beloved mother, the Reverend Satyaparami at her untimely demise on 1129 Chilla 28 (Pahanchahre) early wedday [25th March 2009]. We do not know which words to choose to express our unlimited gratitude towards your kind words. But earnestly hope that a great word of “Subhay” will express all we weren’t able to express at this time of lost of a worthy mother of ours.
जिमि सदाँया माँ चन्द्रदेवी वज्राचार्य, अले झी नेपाःया बौद्ध उपासक उपासिका पिनि गुरुमाँ सत्यपारमी ७४ (न्हेःपेदँ) क्यजक क्येन, थ्व संसार तोःता निर्वाणया लँपुइ बिज्यात। यल तःदेःया वैद्य गुरुजुया म्ह्यायमचा, यमि जिमि अबु रत्नमान वज्राचार्य सुथँनिसे बहनीतक्क त्रिचन्द्र कलेजे जुलला, पाटन कलेजे जुलला, दरबार हाइस्कुले जुलला ब्बन्कु ब्वन्कूँ लिम्हलाम्ह नापँ बिहाजुलहँ। याकनं मदया वँम्ह “जिमि अबुँ जिमितः छु बियाथकलले” धका माँयाके न्येनाबलेसियागु लिसः खः “छिमितः कलम् छपु छपु बियाथकल मखुला?” धका जिमिकेहे न्यँम्हँ माँनँ आ जिमितः छु बियाथकलले धका न्येने म्वायेका बिल। शहरे बुया शहरेहे हुर्के जूम्ह माँ पनौति (पञ्चालदेस)या काशिवर्ण बुद्ध विहारया प्रमुख जुया, गबलेँ पोखरा, गबलेँ नारायणगड, पाल्पा तान्सेन बिज्याना, नेपाःदेःया गाँगामे वना बुद्धया शान्ति सन्देश प्रचार याना बिज्यात। “नित्य मखु थ्व जिन्दगी, छन्हु वनेमानि तोःता थ्व जिन्दगी” जिमितःनं स्यनाँ बिज्यागु खः।
अयनँ छगु आसिका याना च्वनाकि, माँ चन्द्रदेवी, गुरुमाँ सत्यपारमी गुलि याकनं जिमितः, अले झी उपासक उपासिकापिन्तः तोःता बिज्यात, उलियाकनँ सुँहे यःपिँ तोःतावने म्वालेमा धका। खःजा माँया ई हे त्यःगु जुइमा जिमिके बिदा कायेगु। अयनँ माँ मदुगु हुनी व नेपाःया हाल लुमंका स्वयेबले आःयागु नेपाः मखुसे मेगु देसे जन्म कागु खःसा, जिमि माँ, गुरुमाँ सत्यपारमी उलि याकनं दिवंगत जुइम्वाथेँ ताः। मृगला ल्वचँ कयाच्वँम्ह माँया वासःहे डयलिसिस् जुयाच्वंगु। अयनं डयलिसिस् यायेगु अस्पतालेहे उकुन्हु मत मवयाःब्यूगु। लोड शेडिङ हँ, मत गनँ वइ? लः मतथेँ जाःगु जनताया मू आवश्यकताहे पुरेयाये मफूगु नेपाल सरकारँ म्वाःम्वाःहे ज्यानकाःथेँजाःगु थ्व दुखः सुयातँहे मजुइमा। थ्वहे खः जिमिगु आसिका। जिमिगु थ्व दुखःय् भलसा बिया बिज्यापिँ, दीपिँ सकलसितः दुनुगलँ निसे यक्व यक्व सुभाय देछाया च्वना।
– Manjuri Singh, Hetaunda
– Saraswati Sakya, Vancouver
– Sagar Man, Bimala Bajracharya, Kathmandu &
– Manisha Bajracharya, Minnoseta
– Suwarn, Izumi & Muni Vajracharya, Tokyo