The New Constitution will be burnt out in the Tinkhya Ground, if it deprives Newah Autonomy

Basantapur, Yen (Kathmandu) – A Newah leader warned that if the New Constitution deprives Newah Autonomy, it will be burnt out in the Tinkhya (Tundikhel) Ground. So said the Newah Dey Daboo (Newah National Forum) patron, and former parliamentarian Malla K. Sundar speaking at the first anniversary of the Newah Jagaran Manch at the gathering of Newah community held this saturday at Basantpur, Yen (Kathmandu). More in Nepal Bhasa.

नेपाल संवत ११२९ चउला १८ (चतुर्थी सोमवाः)

बसन्तपू, येँ – “नेवाः स्वायत्त शासन मदइगु संविधान दयेकलधाःसा व संविधान तिन्ख्यले यंका च्याकेगु” नेवाः जागरण मञ्चयात दच्छिक्यन्गु लसताय् येँया बसन्तपूली म्हीग जूगु तःजिगु नेवाःसभाय् नवानादिसे नेवाः देय् दबूया संरक्षक नापँ पुलाँम्ह सांसद मल्ल के सुन्दर भाजुँ अथे धयादीगु खः। भासा आन्दोलनया हाकूगु न्हि २०६६ जेष्ठ १८ गते नेपाल बन्द जुइगु व ऊगु बन्दय् प्रधान मन्त्रिया सवारितकँ छेलेमबीगु खँ कना दिसे, “गुबले नेवाःत सतकय् कुहाँवइ उबले सत्ताय् भ्वखाय् ब्वई” नेवाःतेगु सः थ्वयेका दिल। नेवाः जागरण मञ्चया सल्लाहकार कृष्णगोपाल श्रेष्ठ भाजुँ थः नेकपा एमालेया कार्यकर्ता जूसाँ पार्टिँ राजदूत मनोनयन याःबले छम्हहे नेवाःत मलागु खँय् नुगले स्याःगु खँ कनादिल। नेपाले कम्यूनिस्ट पार्टिया संस्थापकत नेवाःत जूगु खँ वयकलँ लुमंका बियादिल। मञ्चया मेम्ह सल्लाहकार सांसद हितमान शाक्य भाजुँ नेवाःत समृद्धजुयानं ल्यूने लाना च्वंगु खँ कना दिल।ऊगु ज्याझ्वय् सांसद बुद्ध सायमि, सांसद तिर्थराम डंगोल, लक्ष्मण राजवंशी, डा. चुन्दा वज्राचार्य भाजु मयजुपिसँनं नवानादीगु खः। सभाया निगूगु चरणय् सांस्कृतिक ज्याझ्वः संचालन जुल।

बुखँ व किपाः – सागरमान वज्राचार्य
(थ्व संक्षिप्त बुखँयात छिसँनं तना दीफु। थन क्वसँया कमेन्टे वा झीगु ईमेले स्वापुतयादिसँ – झी The Newah)