Reinstate the Newah Autonomous State – Next Action after the Genesto

After an unprecedented success of the General Strike (Genesto) called in by the Newah Autonomous State Action Movement on the 1st of this month, the Movement has decided to take further action against the indifference attitude of the Nepal Government and major political parties in the country regarding their demand to guarantee the reestablishment of Newah Autonomous State of Nepal Mandala in the new Constitution being drafted, and scrap the Kathmandu city expansion draft bill that has intentionally been planned the cleansing of the Indigenous Newah community from their native lands. More in Napal Bhasa.

नेवाः स्वायत्त राज्य मंकाः संघर्ष समितिया आन्दोलन ज्याझ्वः

येँ, नेपाल मण्डल – नेवाः स्वायत्त राज्य मंकाःसंघर्ष समितिँ वंगु तछला ८ (जुन १) नेपाल मण्डल स्वायत्त क्षेत्र बन्द ज्याझ्वलँ लिपानं नेपाल सरकार व राजनीतिक पार्टीतेसँ थ्व विषय, छुँहे ठोस निर्णय यायेगु बारे संवेदनशील जुया मक्यंगु हुनिँ संघर्ष समितिँ आवइगु न्हिन्हिसँ क्रमिककथँ ज्याझ्वत यायेगु निर्णय यागु दु। नेवाः स्वायत्त राज्य मंकाःसंघर्ष समितिया नरेश ताम्राकार सचिवभाजुँ थ्वहे तछला १९ कुन्हु (जून १२) पिकयादीगु छगु विज्ञप्तिसँ अथे धयातःगु दु। ज्याझ्वःया विषयवस्तु व तालिका संचार माध्यमयात छ्वया, ऊगु ज्याझ्वःत प्रकाशित यासे, जनमानसयात जानकारि बिया गुहालि यानाबी धइगु आसानँ प्वंकाःतःगु दु। खस भासँ च्वयातःगु विज्ञप्तियात झीसँ नेपाल भासय् हिलागु विषयवस्तु व तालिका थ थेखः।

नेवाः स्वायत्त राज्य मंकाः संघर्ष समितिया स्वकःगु चरणया आन्दोलन ज्याझ्वः : –

१) राज्य पुनसंरचना समितिया दुजःतलिसे अन्तर्कृया।
२) संविधान सभा राज्य पुर्नसंचरना समितिया ध्यानाकर्षण यायेगु ज्ञापनपत्र बियेगु।
३) संविधान सभाय् धर्ना।
४) प्रमुख राजनैतिक दलया नेतातेतः नेवाः स्वायत्त राज्यया बारे सकारात्मक पहल यायकेगु लागि ध्यानाकर्षण।
५) नेवाः स्वायत्त राज्य मंकाः संघर्ष समितिया जिल्ला, गाँ व वडा स्तरिय संगठन विस्तार, प्रशिक्षण
६) स्थानिय निकायसँ नेपाल भास छ्येलेतः दवाव श्रृजना यायेगु।
७) भू-उपयोग सम्बन्धी कानुन व्यवसायी, भूमिविदत लिसे अन्तर्कृया।
८) नेवाः स्वायक्त राज्यया ध्वाँय् (झण्डा) गुज्वःगु जुईमा धका कलाकारते दथुई प्रतिस्पर्धा यायेगु।

अथेहे, तछला १८ (जेष्ठ २८ गते) क्षेत्रपाटी जुगु नेवाः जुलुसया सलः ज्याःझ्वःले नेवाः जागरण मञ्चया संयोजक सुजीव वज्राचार्य भाजुँ तछला ८ (जेष्ठ १८ गते) याः जुलुसे ब्वति कयादीपि सकसितँ सुभाय देछाना दिल। मञ्चँ थ्वहे शनिवाः निसेँ लेःलेः पतिकँ नेवाः स्वायत्त राज्य छु खः धईगु विषयले तालिम बीगु, नेवाः तेगु थःगुहे ध्वाँय् (झण्डा) दयेका इन्द्र जात्राँ निसेँ नेवा तेगु छेखाः पतिकँ ब्वयेकेगु, नेवाः जागरण मञ्च या शाखा विस्तार यायेगु, साधारण सदस्यता बियेगु खँ न्यंका दिल। (Sent in by Newa ji Newa)

छिगु कमेन्ट् च्वयेतः, थ्व लाइन क्वसँया “Comments” क्लिक् याना दिसँ।

1 thought on “Reinstate the Newah Autonomous State – Next Action after the Genesto”

  1. I appreciate for the program and competition on creating Nepal Mandal flag is very very VERY IMPORTANT. just do it.
    Niran from Sweden

Leave a Comment

Your email address will not be published. Required fields are marked *