नेपालभास – झीगु भास
नेपाल भास, झीगु भास
छिगु जिगु, सकसिया भास
नेपाल देसे, ल्हाइगु भास
न्हिथँ झीसँ, ल्हायेगु भास
जुल खसत, “नेवारी” धया
खः मखु खँ, थुइके मफया
कपि यात वहे, मिखा तिसिया
झीसँनँ थ्व खँ, खःमखु मथुया
नेपाल भास, विकसित भास
सरल भास, अले सुगम भास
“भाषा” जुल, सरलकथँ “भास”
“भाय्” जुल, सुगम जुया “भास”
उकेँ ल्हायेबले “भाय्” च्वयेबले “भास”
थीथी खँग्वँ थथे जाः, झीगु थ्व भास
हलिमे दकले चिहाकः, स्यूला थ्व भास?
उकेँ सयेके अःपु धाइ, झीगु थ्व भास
– सुवन् वज्राचार्य