Newah Autonomous State of Nepal Mandala to be proclaimed on Dec. 26

Yen (Kathmandu), Nepal Mandala – The Struggle Council for Newah Autonomous State in Nepal is set to proclaim its Newah Autonomous State of Nepal Mandala on December 26, 2009 in keeping with the restructuring of Nepal into a Federal Republic of Nepal. The Council has appealed to both Newah community and non-Newah community resident in the area to join forces to declare the Newah state in its historical area of Nepal Mandala, where Newah states existed until they were invaded by Prithwi Narayan Shah in 1768. The proclamation will be made at the National Stadium in Tripureswor, Kathmandu. More in Nepal Bhasa…


नेवाः स्वायत्त राज्य घोषणा ज्याझ्वः तःजिक हनेनु

ने.सं. ११३० थिंला २२ (सप्तमी, मंगलवाः)

येँ, नेपाल मण्डल – संविधान सभायापाखें संघीय लोकतान्त्रिक गणतन्त्र देय् कथं नेपाःया राज्य पुनःसंरचना जुइत्यंगु थ्व इलय् झी नेवाःतय्सं नं छप्वाः म्हुतुँ नेवाः स्वायत्त राज्यया अधिकार दयेमाः धकाः सः थ्वयेका वयाच्वंगु जुल। नेवाः स्वायत्त राज्यया अर्थ खः, नेवाःतय् थःगु हे ऐतिहासिक लागाय् नेवाःतय्सं नेवाःतय्गु निंतिं शासनसत्ता न्ह्याकेगु अधिकारया सुनिश्चितता।

झीसँ तातुना कथं नेवाः स्वायत्त राज्य नीस्वने फत धाःसा
 नेवाः स्वायत्त राज्यया शासनसत्ता नेवाःतय् नेतृत्वय् न्ह्यज्याइ
 नेवाः अले नेवाः स्वायत्त राज्यदुनेच्वंपिं गैरनेवाःत, अल्पसंख्यक समुदायया निंतिंनं भिं जुइगु नीति निर्माणयायेगु मुक्कं अधिकार थःगु ल्हातय् दइ
 नेवाःदुनेया ल्यूनेलाकातःपिं समुदायया मनूतय् प्रतिनिधिपिं तकं शासन सत्ताय् उतिग्यंक थ्यनि
 नेवाःलागाय् नेवाःतय्सं विकास निर्माणया ज्या न्ह्याकीगु भाला काइगुलिं थौंया अब्यवस्थित शहरी विकासया नापनापं त्वनेगु लः, धः व सुचुकुचुया नापनाप ट्राफिकया समस्या सदांया निंतिं ज्यनि
 प्वःची मफयेक पिनेयापिं मनूत दुहाँवयाः जनसंख्याया चाप उप्वयावनाच्वंगु स्थितिया अन्त्य जुइ
 समतामूलक व लोककल्याणकारी सिद्धान्तय् न्ह्यज्याइगु राज्य जूगुलिं नेवाः स्वायत्त राज्य दुने तःमि व चीमिया अन्तरयात म्होयायेगु व वेरोजगारीया अवस्था ज्यंकेगु कुतः जुइ
 ब्यवस्थित आर्थिक विकासया योजना न्ह्याकाः सकलया जीवनस्तरयात याकनं थकायेगु कुतः जुइ
 नेवाः राज्यदुनेच्वंपिं फुक्क नेवाः मस्तय्सं दांपुलेम्वायेक थःगुहे मांभासं आखः च्वयेब्वने दइ
 सरकारी अड्डा अदालतय् नेवाः भासं ज्या जुइ
 सरकारी अड्डा अदालतय् हाकीम व कर्मचारी नेवाः हे जुइ
 नेवाः भासं रेडियो, टीभीया ज्याझ्वः न्ह्याइ, अखवार नेवाः भासं पिदनी
 न्हनावनेत्यंगु झी नेवाःतय् जात्रा, पर्व, गुथि हानं सुथां लाक्क न्ह्याकेत राज्यपाखें बांलागु तिबः चूलाइ
 नेवाः पुर्खापिन्सं धस्वाका थकूगु साँस्कृतिक सम्पदाया बांलाक संरक्षण यायेफइ नापं परम्परागत ज्ञान व सीपयात न्हूधाः यायेफइ
थ्व सकतां आजु पूवंकेत नेवाः स्वायत्त राज्य नीस्वनेगु अनिवार्य दु। झासँ, थ्वहे तातुनाः नेवाः स्वायत्त राज्य मंकाः संघर्ष समितिया इनापय् जुइत्यंगु नेवाः स्वायत्त राज्य घोषणाया ज्याझ्वःयात झी सकल जानाः तःजिक हनेनु। थ्व लसताय् जुइगु थीथी ज्याझ्वलय् झी सकलें ब्वतिकायेनु।

ज्याझ्वः
*‌ नेवाः जातीय खलःपिनि मंकाः प्रतिवद्धता मुंज्या ११ थिंलागाः (२७ मंसिर) शनिवाः वसन्तपू, येँ, न्हिनसिया १२ ताः
* नेवाः स्वायत्त राज्यदुनेया थीथी लागाय् प्रचारात्मक ब्यानर ब्वयेगु १२ थिंलागाः (२८ मंसिर) आइताः
* नेवाः जातीय खलःया मंकाः इनापया प्रचार इनेज्या ८ थिंलागाः (२४ मंसिर) बुधवाःनिसें

* नेवाः सुरक्षाया सार्वजनिक – मार्च पास
* त्वाः त्वालय् नेवाः ध्वाँय् ब्वयेके रु ध्वजोत्सव सप्ताह (थःथःगु छेँय् व सवारी साधनय्) ३० थिंलागाः(१ पुस) बुधवाःनिसे
* थःथःगु लागाय् प्रचारात्मक मोटर साइकल रुयाली ७ निसें ९ ( ८ पुस निसें १०) तक
* नेवाः स्वायत्त राज्य घोषणा ९ पोहेलाथ्व ( ११ पुस ) शनिवाः न्हिनसिया ११ ताः राष्ट्रीय रंगशाला, त्रिपुरेश्वर, येँ।
० नेवाः स्वायत्त राज्यया ध्वाँय ब्वयेके – (झण्डोतोलन)
० नेवाः राष्ट्रीय म्ये हायेके
० नेवाः स्वायत्त राज्यया नक्सा सार्वजनिक
० साँस्कृतिक -याली
० भिँतुना न्वचू
० बन्हि त्वाः त्वालय् दीपावली व नेवाः झण्डादुगु मन्दः ब्वज्या

थःगु पसः, ज्यासः तिनाः सकलें छेँजःपिंनापं झासँ। नेवाः जुयाः गर्व यानादिसँ। नेवाः जुयागुया चिं ब्वयादिसँ।

नेवाः स्वायत्त राज्य संघर्ष समितियांनितिं इनापयाःपिं
– उदाय समाज
– कपाली समाज
– कसाः तःधं गुथि
– गोपाली समाज
– ज्यापु महागुथि
– ज्यापु समाज, यल
– तवः (ताम्राकार) समाज
– द्यःला पोद्ये उत्थान मञ्च
– नकःमि सेवा पुचः (संघ)
– नेपाल खडगी सेवा समिति
– नेपाल तण्डुकार समाज
– नेपाल माली समाज
– नेपाल रंजितकार समाज
– नेपाल द्यःला समाज
– न्यत तुलाधर समिति
– पुतुवार नगरकोटी राजवहाक विकास समाज
– पुं (चित्रकार) समाज
– बज्राचार्य समन्वय परिषद
– बज्राचार्य संरक्षण गुथि
– वलामि समाज
– रजक समुदाय विकास संघ
– राजकर्णिकार समाज
– राजोपाध्याय समाज
– स्यस्यः समाज
– स्थापित खलः
– शाक्य फाउण्डेशन
– शिल्पकार सेवा समाज
– श्री देगु्ख्यः गुथि

बुखँ गुहाली – अनाररत्न वज्राचार्य

5 thoughts on “Newah Autonomous State of Nepal Mandala to be proclaimed on Dec. 26”

  1. Anar Ratna Bajracharya

    संविधान सभायापाखें संघीय लोकतान्त्रिक गणराज्य देय् कथं नेपाःया राज्य पुनःसंरचना जुइत्यंगु थ्व इलय् सकल आदिवासी जनजातीपिंन्त राज्यया पार्टिपाखें स्वायत्त राज्यया अधिकार बिइगु धैगु इमिगु न्हापांगु राजनैतिक कर्तव्य खः। नेपाः संघीय लोकतान्त्रिक गणराज्य देय् जुई धुंकूगुलिं सकल आदिवासी जनजातीपिं थःहे सचेत जुया थःथगु अधिकार सुनिश्चित याय्गु लंपुई झी सकलें छधी छप्पं जुया न्ह्यावनेमाः। आनं झीपिं छधछप्पं जुइमफुत धाःसा झीगु धैगु थ्व देसये छुंहे ल्यंदैमखु।

  2. Need to be careful in proclamation. It may disintegrate the country. Nepal is a small country let us not forget this.

  3. Giving power to it’s people on their own land is not disintegration. It is really strengthening the country. Native pepople ruled by migrated BRAHMAN/CHHETRIES from sevel hundred of years is not the only integration of country. Think in this way “Why Newaa people are ruled by KHAS BAHUN BADIES in their own land.
    Aala Saymi

  4. How can Nepal be a Federal Republic if some of you think that proclaming autonomy will disintegrate the country? You must learn what is autonomy and what is disintegration, my friend. Dont be misguided by licking the sweet swords of Bahun-chetri “friends” to keep their domination in tact even in a New Nepal.

Leave a Comment

Your email address will not be published. Required fields are marked *