Nepal invoked blessings of Buddhist chanting for Nirvana to the deceased in the Japan disaster

Yen (Kathmandu), Nepal Mandala – Nepalese led by President Dr. Ramvaran Yadav envoked blessings of Buddhist chanting for Nirvana to the deceased people in the quake and tsunami in the north-east Japan at a Buddhapuja gathering and chanting at Bouddhanath Vihara, Kathmandu performed by Buddhist monks headed by Sangsang Rimpoche of Budhanilakantha Gumba. The Buddhapuja was organized by NRN and attended by both Nepalese and Japanese in Nepal including Speaker Subhash Nemwang and Japanese Ambassador Tatsuo Mizuno. More in Nepal Bhasha……

जपानय् ब्व:गु भुखाय् व त्सुनामिँ मदुपिनिगु निर्वाण कामनाय् खास्ती बौद्ध थुर विहारय् बुद्धपुजा याना शान्ति प्रार्थना यात

येँ (नेपाल मण्डल) – जपानय् उकुन्हु ब्व:गु त:धँगु भुखाय् व त्सुनामिँ याना मदुपिनिगु निर्वाण कामना यासे गैरआवास नेपा:मि संघँ बौद्ध थूर विहारय् छगु विशेष शान्ति प्रार्थना व बुद्ध पूजा यात। ऊगु महाविपत्ती लाना २७ (ञीन्हय्) द्वलँ मयाक्क मनूत सीगु नापँ लखौं मनूत विस्थापित जूगु जुल। अार्थिककथँनँ त:धँगु हे नाश जूगु जुल। बुइख्यलया लोन्ड्रोपछोलिंग गुम्बाया मूरिम्पोचे साँगसाँग रिम्बोया नायकत्वय् बौद्ध धर्मगुरुपिँ छथ्वलँ बुद्धपुजायाना शान्ति प्रार्थना याना बिज्यात।

दिवंगतजूपिनिगु निर्वाण कामना यासे छिमिनेट मौनधारणयाना सुरुजूगु ऊगु बुद्धपुजाय् राष्ट्रपति डा. रामवरण यादवँ बौद्ध थूरया न्ह्य:ने शान्ति दीप च्याकादिल। बुद्धपुजाया लिपा थ:गु नुग खँ कनादिसे, राष्ट्रपति डा. यादवँ त:धँगु भुखाय् व त्सुनामिँ जपानय् कल्पना हे याये मफूगु क्षति जूगु खँ न्ह्यथनादिसे, जपान सरकार, जपान जनयात जूगु थूगु दुखया इलय् नेपाल सरकार व नेपाल जनया साथ दूगु खँ कना दिल। वयकलँ, थुज्वगु दुःखया इलय् जपान जन छधी जुया न्ह्यावने फयेमा धका कामना यानादिल।

सभामुख सुवास नेम्बाङँ जपानय् ब्व:गु भुखाय् व त्सुनामिँ यागु क्षतिँयाना नेपालय् च्वँपिँ थ: स्तब्ध जुल धका धया दिसे, भुखालँ यागु क्षती विचलित मजूसे साहसकथँ सामना याय् फैगु विश्वास कना दिल।

नेपालय् जपान राज्यदूत तत्सुओ मिजुनोँ जपानयात नेपा:मि जनँ क्यंगु सद्भावँ राष्ट्रया विपतिया इलय् राष्ट्र निर्माण यायेत जपान जन समर्थ जुयेत प्रेरणा दत धका धयादिल। थ्व बुद्धपुजाय् नेपालय् दूगु जपान संधसंस्थातय् प्रतिनिधित नापँ हलिमया थीथी देसँ व:पिँ एनआरएन सम्बद्ध नेपा:मित, नेपाल सरकारया विशिष्ट व्यक्ति, राजनीतिक दलया नाय:तेसँ ब्वतिकया दीगु दु।

Leave a Comment

Your email address will not be published. Required fields are marked *