Interaction on Nepal’s New Constitution and Restructuring of the State

Yen (Kathmandu), Nepal Mandala – An interaction program was organised yesterday in the capital by Newa Jagaran Manch (NJM) on the questions of new constitution and the state restructuring of Nepal. We have received the news from the NJM of the interaction, the details not availble except the summary of the speeches made by the prirominent leaders as below:

येँ, नेपाल मण्डल – संविधान घोषणाया सवाल व राज्य पुनर्संरचनाया सवाल यात कयाः नेवाः जागरण मञ्चँ म्हिगः थनया क्षेत्रपाटी पार्टी प्यालेसय् छगू अन्तर्क्रिया ज्याझ्वः यात। ऊगु ज्याझ्वलय् नेकपा एमालेया केन्द्रीय दुजः राजेन्द्र श्रेष्ठँ, न्हूँगु संविधान इलय् हे घोषणा यायेमफुगु हुनिं न्हूँगु संघीय राज्य व्यवस्थाय् ग्वःगु प्रदेशया निर्माण यायेगु धइगु खँय् दलतय्गु दथुइ छगू हे विचाः मवःगु व जातीयताया आधारय् प्रदेश निर्माण यायेमज्यू धइगु विचाः नेपाली कांग्रेसँ तयाच्वंगुलिं नं इलय् घोषणा यायेमफुगु विचाः तयादीगु खः। अथेहे ऊगु अन्तर्क्रिया ज्याझ्वलय् एकीकृत माओवादीया सभासद् दिलीप महर्जनं संविधान इलय् घोषणा यायेमफुगु हुनिं अझ नं प्रतिक्रियावादी शक्ति व विदेशी शक्तिया चलखेल दुगुलिं जूगु विचाः प्वंकादिसें अझ नं संघर्षया आवश्यकता दुगु विचाः प्वंकादिल।

नेपाः राष्ट्रीय पार्टिया सभासद् बुद्ध साय्मिं संसदय् उत्पीडनय् लानाच्वंपिं जनता अले समग्ररुपं नेवाः अधिकारयात स्थापित यायेगु नितिं थःपिसं संघर्ष यानाच्वनागु खँ तयादिसें राज्य पुनर्संरचनाया सवालय् अझ नं नेवाः गम्भीर जुयाः न्ह्याः वनेमालीगु विचाः तयादिल।

नेवाः स्वायत्त राज्य मंकाः संघर्ष समितिया सचिवालय कजि मल्ल के. सुन्दरं संविधान निर्माण उत्पीडनय् लाःपिं जनता, अले फुक्क आदिवासीतय्गु अधिकारयात सुनिश्चित यायेगु हे जुइमाः धयादिसें ०६३ सालया जनआन्दोलनय् नेतातय्सं गुगुकथं जनतायात बचं बिल व जनता सतकय् कुहाँ वयाः आन्दोलन सफल यात आः व बचं नेतातय्सं पूवंकेमाः धकाः धयादिल। नेवाः जागरण मञ्चया संयोजक सुजीव बज्राचार्यया सभापतित्वय् जूगु उगु ज्याझ्वलय् नेता:तयसं न्ववायेधुंकाः अन्तर्क्रिया ज्याझ्वः जुल।