नेवाःदेसे च्वना मर्श्यातेःगु माग् पुरा याइम्ह प्रधान मन्त्रि ?

नेपाल् सम्वत् ११२८ पोहेलागा ७ (सप्तमी)

संविधान् सभा चुनावय् दनेगु खःसा, मर्श्यातेःगु माग् पुरा यानाबीम्ह प्रधान मन्त्रीँ, नेवाःतेगु माग् यात गबले पुरा याइगुले?
न्हेःगु दलया सरकारयात विरोधयासे, थःपिनिगु मागयात पुरा मयातल्ले संविधान सभाया चुनाव याके बीमखु धका धम्की नका च्वँपिँ मधेशि पुचःया मागयात, गिरिजा प्रसाद् कोइराला प्रधान मन्त्रिँ “संविधान सभाया चुनावय् ब्वति कायगु खःसा, मर्श्यातेःगु मागयात पुरायाना बीगु” कबुल यागु न्यने दु। मर्श्यातेःगु माग् ला नेपाःया दक्षिण भूभाग तराइ प्रदेशयात स्वायत्त मर्श्या प्रदेश या घोषणा या माग् खः।

PM at Gangalal Medical Centre
(किपाः सुभाय् – नेपाल् न्यूज् डटकम् )

अले नेवाःतेसँ याना वयाच्वन्गु माग छुले? व हे नेपाल सम्वत यात राष्ट्रीय सम्वत यानाब्यु धका जक खःला? नेपाल मण्डल जक मखुसे, नेपाल मण्डलँ पिने च्वँपिँ नेवाःतेगु अधिकार इत्यादीया माग यायगुनँ, बुद्ध जन्मजूगु लुम्बिनीया संरक्षणया माग् धैगुनँ नेवाःतेसँ मयाःसा मेःपिँ सुनाँ याइ? नेवाःतय् बिचे आः कित माओवादिया नेवाः मोर्चा अथे मखुसा नेपाः राष्ट्रीय पार्टि हे जक खः छूनँ अधिकारया माग यायफुपिँ। मंका खलः, नेवाः देः दबूला पद्मरत्न दाइ व मल्ल दाइया सम्पत्ति जुइधुन्कूथेँ च्वँबलेला मेपिँ नेवाःतेसँ छुयायफइ स्वयगु ल्यँहेः दनि।
– झी “दनेवाः”

छिगु प्रतिकृया च्वयतः थनँ क्वसँच्वन्गु comment क्लिक् याना दिसँ।

0 thoughts on “नेवाःदेसे च्वना मर्श्यातेःगु माग् पुरा याइम्ह प्रधान मन्त्रि ?”

  1. जिँ स्वयबले झीगु माग् पुरा याय् माली धका वयकः ग्याथेँ च्वँ।
    -दरशा

Leave a Comment

Your email address will not be published. Required fields are marked *

*

code