Rajesh Shrestha Elected New President of NOA

अमेरिकाया नेवाः अःगनाइजेशने राजेश श्रेष्ठया नेतृत्व

मे २५ (नीन्यान्हु) कुन्हु सम्पन्नजूगु नेवाः अःगनाइजेशन अःब् अमेरिका (NOA)या न्हेःकःगु अधिवेशनँ राजेश श्रेष्ठया अध्यक्षताय् १० (झिं) म्ह दुजःया कार्यसमिति दयेकूगु दु। समितिया उपाध्यक्ष पदे गणेश कायष्ठ व बलराम जोशी, महासचिव पदे सीसन् श्रेष्ठ, सचिव पदे बबिता श्रेष्ठ मयजु, व कोषाध्यक्ष पदे इरोस तुलाधर निर्वाचित जूगु दु। नापँ समितिया सदस्य पदे श्रृजन ताम्राकार, डा. रोशन श्रेष्ठ, जयम्बु रन्जित भाजुपिँ निर्वाचित जूगु दु।

– नेवाः अःगनाइजेशन अःब् अमेरिकाया न्हूम्ह नायः राजेश भाजुया नेतृत्वया ल्यःगु न्हूपिँ दुजः भाजु मयजुपिँ सकसितँ विश्व शान्तिया प्रतीक, झीगुदेःया विभूति बुद्धया आशिर्वादँ, न्हूगु नेतृत्वँ अमेरिका निवासी झी नेवाः पासापिनि दथुई मैत्रीपूर्ण स्वापू क्वातुका, नेवाः समाजया भास, धर्म व संस्कृतिया उत्थान यायेतः सबल जुइफयेमा धका भिन्तुना देछाना च्वना। (झी The Newah)

छिगु कमेन्ट च्वयेतः थन क्वसँ क्लिक याना दिसँ।