Tribute to Chancellor Satya Mohan Joshi

Photo courtesy: www.finearts.com

Yen(Kathmandu), Nepal Mandala – Nepal’s most respected scholar known for his expertise in languages of Sanskrit, Khasa (Nepali) and Nepal Bhasa, history, archaeology, literature, philosophy and play-wright, and the Octogenarian scholar, Chancellor of Nepalbhasa Academy, Satya Mohan Joshi celebrated his third Jankwo (A Newah tradition marking 88th year, 8 months and 8 days’ birthday) amidst many fans and supporters in Kathmandu yesterday. Many paid tributes to his tireless services in the advancement of Nepal’s culture. More in Nepal Bhasa.

झी सत्यमोहन जोशीजुया स्वक्वगु जंक्व
नेसं ११२९ सिल्ला १ मंगलवाः

येँ, नेपाल मण्डल – नेपाः देया अतिकं हनेवहम्ह झी सत्यमोहन जोशीजुया स्वक्वगु जंक्वय् ब्वतिकायेदया, न्यनेदया सकसिनँ अहो भाग्य तायेकूगु दु। झी The Newah पाखेँया भिन्तुना नापँ वयकःया भीँउसाँय् ताःआयु व सुखया भिन्तुना देछागु हसना दुथ्याका च्वना।

(हनेबहम्ह सत्यमोहन जोशीजुया ८८ दँ ८ ला व ८ न्हु क्यमगु लसताय् नेवाः परम्पराकथँ स्वकःगु जन्क्व हनादीसे। किपाः सुभाय् श्रुति श्रेष्ठ, ईकान्तिपूर २६ जनुवरि २००९)

नेसोका ज्यासना पुचःया भिन्तुना
ने.सं ११२९ पोहेला ३० (ई.सं. २००९ जनुवरि २६ तारिक) सोमवार कुन्हु नेपाः देया अतिकं हनेवहम्ह भासविद, संस्कृतिविद, पुरातत्वविद, साहित्यकार, नाटककार भाजु सत्यमोहन जोशीजुया स्वक्वगु जंक्व (महारथारोहण) जुयेत्यंगु पावन लसताय् नेपाल भास, साहित्य, संस्कृतियात सदाथें वयकया संरक्षण, संवर्द्धन व प्रवर्द्धनया वरद अभिभावकत्व दयाच्वनेमा धइगु मनंतुंसे वयकःया भिंउसाँय, ताआयु व सुखया लागि दुनुगःनिसें भिन्तुना देछानाच्वना।
– नेसोका ज्यासना पुच:या सकल दुज:

गबलें बुरा जुइ मखुम्ह
सन्ध्या टाइम्से दुथ्याःगु च्वसू झी सत्य मोहन जोशीजुयात थथे म्हसिकातःगु दु।
“सत्यमोहनजु थज्याःम्ह आकर्ष व्यक्तित्व खः नेपालभासया वयेकः शिरोमणि हे जुल। लोकसाहित्य, नाटक, इतिहास, संस्कृति, पुरातत्त्व, साहित्य, दर्शन, धर्म, कला वयेकःया पकडय् दुगु विषयत खः।” “नेपालभास परिषद्, नेवाः देय् दबू, आदि संस्थात स्वनेगु ज्याय् नं वयेकःया विशेष भूमिका दु। नेपालभास एकेदमिया वयेकः वर्तमान चान्सलर हे खत। नेपालभासाय् थीथी सिरपाःत गथे कि मूर्तिमान सिरपाः, चित्तधर सिरपाः, करुणाकर सिरपाः, दान्यहिरा सिरपाः, गोविन्द सिरपाः आदि वयेकःया हे पहलय् स्वनेज्या जूगु खः। वयेकः थः हे नं आपालं सिरपाः व सम्मानं छाय्- पियातःम्ह व्यक्तित्व खः। वय्कः थुज्वःम्ह व्यक्तित्वया थौं स्वक्वःगु ज्याःजंक्व स्वयेदुगु झी सकस्यां अहोभाग्य हे खः।”

“वयेकःया बारे मनूतयेसँ यक्व न्यनातःगु दु। तर प्रत्यक्ष खनी अले उपिं चकित जुइ। वास्तवय् सत्यमोहनजु छम्ह चमत्कारिक हे व्यक्तित्व खः।वयकः म्हिगः चयेच्यादँ, च्याला व च्यान्हु क्यंगु लसताय् स्वकःगु जंक्व हना दिल। थपाये हाकःगु वैंशय् नं वयेकःयाके दूगु थ्व गुगुँ शारीरिक मानसिक ल्यायेम्हसू खः व खनाः अजू मचाइपिं मनूत म्हो हे दइ। न्हिंन्हिं कोशौं न्यासि वनेफु। तँ गयेफु। च्वयेफु। ब्वनेफु। न्यनेफु। भाषण् यायेफु। निर्णय् यायेफु। वयेकःयात म्हसिउपिंसं वयेकः आः तक तसकं उसाँय् मदुगु धइगु मसिउ। वय्कः धाथें थथे गय् सक्रिय जुयादी फत, बिचाः याइपिनि लागिं व छगू खोजया विषय खः।”

“नेपालभासाय् वयेकःया तःधंगु योगदान दुसां खय् भासाय् नं वयेकःया भूमिका म्हो मजू। खय् भासँ कृति च्वयाः वयेकलं स्वक्वः तक मदन पुरस्कार त्याकादीगु दु। थ्व सिरपाः स्वक्वः त्याकादीम्ह वयेकः हे याकः व्यक्तित्व खः।”

गबलें बुरा जुइ मखुम्ह वयकःया बारे छिसँनं गुण लुमंका हयेफु। थन क्वसँ च्वंगु कमेन्टे च्वया हइदिसँ। – The Newah