Naresh elected New President of Newah Dey Daboo

Dhankuta – The 5th national convention of Newah Dey Daboo, Nepal’s national Forum of Newah community held here last Monday elected Naresh Tamrakar to lead the Forum until the next convention. The convention first ever held outside Kathmandu of Nepal Mandala, was declared open by Prime Minister Pushpa Kamal Dahal “Prachanda”. Naresh Tamrakar, a former Vice President for Eastern Provinces defeated the former General Secretary Naresh Shakya at this convention chaired by Forum’s President Malla K. Sundar. More in Nepal Bhasa.

Prime Minister Pushpa Kamal Dahal \"Prachanda\" inaugurating the 5th National convention of Newah Dey Daboo in Dhankuta flanked by Daboo President Malla K. Sundar

नेवाः देय् दवूया न्हूँम्ह नायः, नरेश
नेपाल संवत ११२९ चिल्ला २६ सोमवाः

धनकुटा – झी नेवाःतेगु राष्ट्रीय संस्था नेवाः देय् दवूया न्याकःगु तःमूँज्याँ, नरेश ताम्राकारयात देय् दबूया न्हूँम्ह नायःकथँ ल्यःगु दु। अथेहे क्षेत्रीय न्वकूया पदे, पूर्वाञ्चले नवीन किशोर शाक्य, मध्यमाञ्चले विजय तण्डुकार, स्वनिगले धर्म शोभा तुलाधर, पश्चिमाञ्चले विष्णु श्रेष्ठ, मध्यपश्चिमाञ्चले दीपक शाक्य व सुदूरपश्चिमाञ्चले विजया शाक्ययात ल्यःगु दु। देःदबूया दुजःले, रजनी महर्जन, यसोदा श्रेष्ठ, रमेश श्रेष्ठ, अमर बज्राचार्य, प्रकाश खड्की, जितेन्द्र विलास बज्राचार्य पिन्तः ल्यःगु दु।

थुगूसी स्वनिगलँ पिनेजूगु थ्व न्हापाँखुसिया तःमूज्याखःसा, देःया ७५ (न्हेःन्यागु) जिल्लाँ वःपिँ ८०० (च्यासः) प्रतिनिधितेसँ थ्व तःमुँज्याय ब्वतिकागु खँ देय दबूया न्हूँम्ह पूर्वाञ्चल न्वकू नवीन किशोर शाक्यया धयादीगु दु। अले नायः पदे – पूर्वाञ्चलया न्वकू नरेश ताम्राकार व पुलांम्ह मू छ्यांज्ये नरेशवीर शाक्य निमेसिनं उम्मेदवारी ब्यूगु खःसा, मध्यमाञ्चलया न्वकु पदया लागि जक तःम्हमछि उम्मेदवारते दथुइ धेँधेँ बल्ला जुल। वयकःपिनिगु नाँ धल थथे खः – नेपालभास मंकाः खलः यलया नायः सुरेश प्रधान, विराट साहित्य सम्मेलन गुथिया त्रिरत्न शाक्य, नेपालभास मिसा खलःया धर्मशोभा तुलाधर, लोकसाहित्य परिषदया प्रेमशान्ति तुलाधर व ज्यापु महागुथिया उर्मिला डंगोल।

न्हूँगु नायःपदे चयन जूम्ह नरेश ताम्राकार नायः भाजु व न्हूँदुजःपिँ सकसितँ, झी द नेवाः परिवारया पाखेँ वयकःपिनिगु नेतृत्वय् नेवाः जातिया भीँ जुइगु, झीगु माँभास सरकारेनं स्कुलेनँ छेलेदइगु, झीगु भूमिया अधिकार सुरक्षा जुइगु नेवाः स्वायत्त राज्य नेपाल मण्डल लित कायेतः माःगु कुतः, फुर्ति व प्रज्ञाँ जाःगु सबल सशक्ति दयेमा धका दुनुगलँ निसेँ भीँतुना देछाया च्वना। नापँ नायः पदे बूसाँ नरेश शाक्यजुथेँ जापिँ सबल नेवाःनायःपिनिगु प्रज्ञायात छेले फयेकेमामाः धका न्हूम्ह नायःभाजुयात धया च्वनेमागु आवश्यकता मखना। अयनं न्हापायापिँ नायः भाजुपिँ मल्ल के सुन्दर वया न्हापायाम्ह नायः पद्मरत्न तुलाधरथेँ जापिँ नायः भाजुपिनिगु अनुभव, सल्लाह व गुहालि न्हूगु दुजः पुचःलँ कायेगु पाखेनं झीसँ ध्यान तयेमा। मखुसा वयकःनायःपिसँ यानादीगु योगदान अथेँहे लोमना वनीगुला लोमंका छोइगु नेवाःतेगु बानि ल्यनातुँ च्वनी।

झीगु मेःगु धन्ना, दकले न्हापाँ दुजःनायः गोम्हसिनं झीगु माँभाय् नेपाल भासयात गुलि प्राथमिकता ब्यू उकेहे फुक्क भलसा जूवनीगु खँ लुमंका च्वना।

किपाः सुभाय् – सुरेश प्रधान। छिगु कमेन्ट् थन क्वसँ च्वयादिसँ।