Scholars Honoured with Nepal Bhasa Degrees

Scholars of Nepal Bhasa were honoured with degrees at a special programme organised by Nepal Bhasa Parishad in Kathmandu yesterday. Among them the highest honourary degree, the “Bhasathuwa (The Guardian of the Language)” of Nepal Bhasa was handed over to Nepal’s senior monk writer and preacher, the Venerable Aswaghosh Mahathera, Deputy Sanghanayak of Nepal. More in Nepal Bhasa.

भासाथुवाः उपाधि लःल्हात।

कविकेशरी चित्तधर हृदयया सच्छि व स्वदँ बुदिँ हनेगु झ्वलय् थउँ नेपाल भास परिषदं छगू तःजिगु ज्याझ्वः यासे ने.सं.११२९ या चित्तधर सिरपाः ख्वपया नाँदँम्ह भासह्योमि रत्नगोपाल सँयजु, ठाकुरलाल सिरपा झ्वाःबहाया निबन्धकार मुनिन्द्र रत्न बज्राचार्य व नेपालभासया अतिकं उच्चगु उपाधि “भासथुवा”या उपाधि संघउपनायक भिक्षु अश्वघोष महास्थवीरयात नेपाल भास परिषदया अध्यक्ष फणिन्द्र रत्न बज्राचार्यँ लःल्हाना बिज्यात।

थूगु ज्याझ्वस नवाना बिज्यासे श्रद्धेय संघउपनायक भिक्षु अश्वघोष महास्थवीरँ भासया सेवा यानाच्वंपिन्त थथे लुमंका सम्मान यायेगु तसकं बांलागु ज्या खः धया बिज्यात। थुज्वःगु ज्या छगू कथँ भगवान बुद्धं कना बिज्यागु गुणानुस्मृतिया शिक्षा पालन यायेगु खः धया बिज्यात। नेपाल भास परिषदँ थथे थीथीकथँया सिरपाःया व्यवस्था याना समाजया सेवा यानाच्वंपिन्त हनेगु याना च्वंगु खँय् लसता प्वंका बिज्यात। नापँ, ज्याझ्वःस सम्मानीत व्यक्तिपिन्सं नं थःगु नुगः खँ प्वंकूगु खः। परिषदया सचिव अष्टमुनि बज्राचार्यँ लसकुस, उपाध्यक्ष सुवर्ण शाक्यँ सुभाय् देछागु सभाय् मूपाहाँ साहित्यकार शान्तदास मानन्धर व परिषदया अध्यक्ष फणिन्द्र रत्न बज्राचार्यँनँ नवाना दीगु खः। मातृ भास प्रेमि आपासिनँ ब्वतिकागु थ्व ज्याझ्वय् नेपाः राष्ट्रीय पार्टिया बुद्ध सायमि व एकिकृत नेकपा (माओवादी) या पद्म ज्योति सांसदपिँनं दुथ्यागु जुल।

नेपाल देसे जन्मजुया हलिमे सकल मानवतेःत शान्तिया लँपु कना बिज्याम्ह बुद्धया हसना, नेपाल देसे नेपाल भासँ, नेपाल जनतायात कना बिज्याम्ह हनेबहम्ह अश्वघोष भन्तेयात, नेपाल भास परिसदँ “भासथुवाः” या उपाधि बिया याःगु थ्व सम्मान धात्थेँहे च्वछाय् बहजूगु ज्याखः। थुकिँ याना आःयापिँ युवक भन्तेपिसँनं नेवाः श्रद्धालुपिन्तः खय् भासँ मखुसे नेवाःतेगु माँभास, नेपाल भासँहे बुद्धया शान्तिया हसना कना बिज्यायेतः हःपा जुई फइगु विश्वाश व आशिका याना च्वना। – The Newah

– बुखँ व किपाः सुभाय् – सागरमान वज्राचार्य

छिगु कमेन्ट च्वयेतः लाइन् क्वसँया “Comments” तिया दिसँ।