Nepal’s traditional musicians’ gathering

Naasah Srishti Arts, a club dedicated for the promotion of Nepal’s traditional flute, organized a gathering of students and teachers led by club’s leader Dharma Munikar at Tribhuwan park in Thankot, Kathmandu last Saturday. It was attended by 400 people including 300 students of the club. The participants represented 14 Bahah (area) clubs of Kathmandu and the executive committee of the Nepal Bhasa Sanskriti Sarakshan Samiti (Nepal Bhasa and Culture Preservation Committee). The gathering honoured Lataman Maharjan for his contribution of teaching traditional music for over five decades by presenting a Dosallaga (Traditional shawl) together with 10,000 rupees cash and certificate in his honour and several other noted contributors. More in Nepal Bhasa.

नासः सृष्टि कलाया गुँभ्वय्

नेपाल संवत ११३० पोहेँला २७ (द्वाःदसी) मंगलवाः

येँ, नेपाल मण्डल – नासः सृष्टि कलाया ग्वसालय् वंगु ने.सं. ११३० पोहेला २४ (नवमि) (पौष २५) कुन्हु त्रिभुवन पार्क थानकोटय् तःजिगु गुँभ्वय् ज्याझ्व जुल। धर्म मुनिकारं स्यनातःपिं झिंन्याखलः बाँसुरी खलःया स्वसः(३००)म्ह स्यमि (विद्यार्थी)पिं याना मुक्कं ४०० म्हेसियां उगु गुँभ्वय् ज्याझ्वलय् ब्वति काःगु खः।

ज्याझ्वलय् बाँसुरी खलः दूगु १.क्वाःबहाः त्वा, २.पुखुद्यां बाँसुरी खलः, ३.तुकंबहाः त्वाः, ४.जमः त्वाः, ५.ओमबहाः त्वाःखलः, ६.ननिचा ल्याय्म्ह पुचः बञ्जाहिति, ७. लुकुमाननी दापा बाँसुरी खलः बुलु यल, ८.सतुंगः बाँसुरी खलः, ९.धर्मपुर बाँसुरी खलः हात्तिगौडा, १०.अशोक विनायक गुहालि पुचः, ११.गोफः त्वाः माकःगल्ली, १२.त्यःर त्वाः ल्याय्म्ह पुचः १३.ज्याय् खलः तम्मोगल्ली, १४.पोर्पा ज्यापु पुचः, १५.नेवाः भास कला संस्कृति संरक्षण समिति गोंगःबुँया स्यमि व हामापिं दुथ्याःगु खः। विशेष कारणं याना ज्याथा पञ्चदान गुथि प्रजापति खलः व मुसुंबहाः भलननी त्वाःपाखें ब्वति कायेमफुत।

नासः सृष्टि कलाया नायः धर्म मुनिकारया नायोसुइ न्ह्याःगु सभां न्यागु दशक तक मदिक्क नेवाः बाद्य संगीत ख्यलय् योगदान यानादीम्ह वरिष्ठ बाद्यगुरु लतमान महर्जनयात झिद्वःतका दां, हनापौ व दोसल्लां न्ययेका हनादिल। लिसें बाँसुरी खलःयात दकले न्हापां २०५८ साल फागुन ८ गते ब्यावसायिक कथं लँस्वःवनेगु ज्याय् छ्यलाः इहिपा यानादीपिं निम्हतिपू रमेश महर्जन व कमला महर्जनयात नं हनापौ व दोसल्लां न्ययेका हनादिल।

ज्याझ्वलय् ज्यापु महागुथि केन्द्रीय समितिया नायः बिपेन्द्र महर्जन, सभासद् दिलिप महर्जन, ज्यापु महागुथि येँ महानगरसमितिया छ्याञ्जे हिराकाजी महर्जन नापँ यक्वसिनँ ब्वति कयादिल।

गुँभ्वय् ज्याझ्वलय् नासः सृष्टि कलाया कलाकारपिंसं थी थी सांस्कृतिक ज्याझ्वः नँ न्ह्यब्वःगु खः। लुमंकेबहःजू नासः सृष्टि कलाया कलाकारपिंसं नेवाःतय्गु परम्परागत बाजागाजायात ब्यवसायिक कथं छ्यला वयाच्वंगु दु।

We wholeheartedly congratulate the Naasah Sristi Khala and all others concerned in promoting Nepal’s traditional flute. You can edit or update this news article by sending us photos or further detail of contents in the speeches made and activities not included in this report. – The Newah

Leave a Comment

Your email address will not be published. Required fields are marked *